இளைஞர் குரல் இனி ஒரு விதி செய்வோம்
ரஷியாவை தலைமையகமாக கொண்டு செயல்படும் குளோபல் பீஸ் பில்டிங் நெட்வொர்க் மற்றும் பெடரேஷன் ஆப் இன்டியன் என்ஜிஓ’ஸ் மற்றும் ஹ்யூமன் சர்விசஸ் இணைந்து சிறந்த சமூக சேவைகள் செய்தோர்களுக்கு உலக அமைதிக்கான அம்பாசிட்டர் விருதை வழங்கும் விழா மதுரை மாட்டுத்தாவணியில் தனியார் அரங்கில் நடைபெற்றது.
இவ்விழாவில் கொரோனா ஊரடங்கின் போது பொதுமக்களுக்கு கபசுர குடிநீர் மற்றும் பல்வேறு மருத்துவ உதவிகள் செய்ததற்காக டாக்டர் கஜேந்திரனுக்கு, “உலக அமைதிக்கான அம்பாசிட்டர்” விருதை நீதிபதி (ஓய்வு) வைத்தியநாதன், எப்என்ஐ தேசிய தலைவர் விஜயகுமார் ஆகியோர் விருது வழங்கி கௌரவித்தார்.
இந்நிகழ்ச்சிக்கான ஏற்பாடுகளை தேசிய தலைவரின் தனிச்செயலாளர் சக்திவேல்,மாநில தலைவர் ஆனந்தகுமார், மாநில செயலாளர் டேனியல் சக்கரவர்த்தி, மாநில பொருளாளர் சுகுமாரி, மதுரை மாவட்ட தலைவர் எஸ்.எம்.ரகுபதி, மாவட்ட செயலாளர் முத்துப்பாண்டி ஆகியோர் செய்திருந்தனர்.
இந்நிகழ்வில் நிர்வாகிகள் ரகுநாத், தினவிடியல் லாரன்ஸ் நாராயணன், ஆனந்தன், ஆறுமுகம், வழக்கறிஞர் பாண்டியராஜன் உள்பட பலர் கலந்து கொண்டனர்.
