இளைஞர் குரல் இனி ஒரு விதி செய்வோம்
நாடு முழுவதும் இன்று ஆயுதபூஜை வெகு விமரிசையாக கொண்டாடப்பட்டது. மதுரை, திருநெல்வேலி உள்பட பல்வேறு நகரங்களில் ஆயுத பூஜைக்கு தேவையான பூ, பழங்கள், பொரி போன்ற பொருட்களின் விற்பனை களைகட்டியது.
ஆயுதபூஜையையொட்டி வீடுகள், கடைகள், அலுவலகங்கள், தொழிற்சாலைகளில் பயன்படுத்தும் அனைத்து பொருட்களையும் சுத்தம் செய்தனர். இறைவனுக்கு பழங்கள், பொரி உள்ளிட்ட படையலை படைத்து மக்கள் ஆயுதபூஜையை உற்சாகமாக கொண்டாடினர்.
மதுரையில் ஆயுத பூஜையை முன்னிட்டு தொழில் கூடங்கள் சுத்தம் செய்யப்பட்டு காலையிலேயே தங்களது குடும்பத்துடன் வந்து பூஜை செய்து சுவாமிக்கு படையலிட்டு வழிபட்டனர்.
கொரொனா தொற்று காரணமாக கடந்த இரண்டு ஆண்டுகளாக ஆயுதபூஜை கொண்டாட்டம் முடங்கியிருந்த நிலையில் தற்போது கொண்டாடுவது மகிழ்ச்சியளிப்பதாக தொழில் கூடங்களில் உரிமையாளர்கள் தெரிவித்தனர்.
மதுரை துவரிமான் அருகே உள்ள K.L.B COLD STORAGE ல் ஆயுத பூஜை விழா சிறப்பாக கொண்டாடப்பட்டது. இவ்விழாவில் நிர்வாக இயக்குனர் சுந்தரம், மோகன்குமார், மணிராஜ் மற்றும் குடும்பத்தினர், நிறுவன ஊழியர்கள் பலர் கலந்து கொண்டனர்.
இளைஞர் குரல் செய்திகளுக்காக மதுரை செய்தியாளர் கனகராஜ்
