ராகுல் காந்தி எம்.பி யின் பிறந்த நாளை முன்னிட்டு மதுரை செல்லூர் அய்யனார் கோயில் அருகில் உள்ள வி.என்.ஆர் நீதிராஜாராம் கொடிக்கம்பத்தில் கொடியேற்றி பஞ்சாயத்து ராஜ் சங்கதன் மாவட்ட தலைவர் ஜி.முத்துக்குமார் தலைமையில் இனிப்பு வழங்கி கொண்டாடப்பட்டது.
இதனை தொடர்ந்து மாலை கோரிப்பாளையம் பள்ளிவாசலில் துவா செய்யப்பட்டு ஏழைகளுக்கு இனிப்பு வழங்கப்பட்டது. இந்நிகழ்விற்கு காங்கிரஸ் சிறுபான்மை பிரிவு மாநில துணைத்தலைவர் மீர்பாஷா தலைமை வகித்தார்.
பின்னர் காந்தி மியூசியம் அருகே உள்ள பூங்கா முருகன் கோவிலில் ராகுல் காந்தி நீடூடி வாழ வேண்டும் என பிரார்த்தனை செய்து தங்கத்தேர் இழுக்கப்பட்டது.
இந்நிகழ்விற்கு கே.ஆர்.சுரேஷ் பாபு எஸ் என் பாலாஜி தலைமை வகித்தார். இதில் ஏராளமான காங்கிரஸ் தொண்டர்கள் கலந்து கொண்டனர் அதனைத் தொடர்ந்து மேல ஆவணி மூல வீதியில் உள்ள முதியோர் இல்லத்தில் இரவு உணவு வழங்கப்பட்டது. இந்நிகழ்விற்கு நாஞ்சில் பால் ஜோசப், பூக்கடை கண்ணன், மீனாட்சி சுந்தரம், ஆகியோர் தலைமை வகித்தனர். இதில் மாநில பொதுக்குழு உறுப்பினர் வீரவாஞ்சிநாதன், மாவட்ட பொதுச் செயலாளர் மூவேந்திரன், எம்.போஸ், தொழிலாளர் சங்க மாவட்ட தலைவர் எஸ்.என் பாலாஜி இப்படை ஏராளமானோர் கலந்து கொண்டனர்.
மதுரையில் ரஜினியின் தீவிர ரசிகரின் மகளின் கல்லூரி கல்வி கட்டணத்தை செலுத்திய ரஜினி ரசிகர் மன்ற நிர்வாகிக்கு குவியும் பாராட்டு..!
மதுரை,ஜூன்.17-
மதுரையில் சூப்பர் ஸ்டார் ரஜினிகாந்த் தீவிர ரசிகரின் மகள் கல்லூரி கட்டணம் செலுத்த முடியாததால் கல்வி பயில முடியாமல் இருந்ததை கேள்விப்பட்ட ரஜினி ரசிகர் மன்ற துணைச்செயலாளர் அழகர்சாமி தனது சொந்த செலவில் ஒரு லட்சம் ரூபாயை வழங்க முன் வந்தார். நிதி உதவி வழங்கிய அவருக்கு பாராட்டுக்கள் குவிந்து வருகிறது.
மதுரை 59-வது வார்டு கிளை ரசிகர் மன்ற நிர்வாகி ரஜினி முருகன்.இவரின் மகள் ரம்யா, இவர் டி.பி ரோட்டில் உள்ள அரசினர் மகளிர் மேல்நிலைப் பள்ளியில் 12 ஆம் வகுப்பில் 600 க்கு 482 மதிப்பெண் பெற்றுள்ளார். நன்றாக மதிப்பெண் எடுத்தும் கல்வி கட்டணம் செலுத்த முடியாததால் கல்லூரியில் சேர முடியாமல் இருந்தார். இதைக் கேள்விப்பட்ட ரஜினி ரசிகர் மன்ற துணைச் செயலாளர் அழகர்சாமி மாணவி ரம்யா கல்லூரி மேற்படிப்பு பயில தனது சொந்த செலவில் ஒரு லட்சம் ரூபாய் வழங்க முன்வந்தார்.
இந்நிலையில் மதுரை மகபூப்பாளையம் பகுதியில் பொதுமக்களுக்கு நலத்திட்ட உதவிகள் வழங்கும் விழா மற்றும் மாணவி ரம்யாவுக்கு கல்வி உதவி தொகை வழங்கும் விழா எல்லீஸ் ரஜினி கார்த்திக் தலைமையில் நடைபெற்றது.
இந்நிகழ்விற்கு திருப்பரங்குன்றம் நகர செயலாளர் கோல்டன் சரவணன் மற்றும் அவனியாபுரம் நகரச் செயலாளர் இன்ஜினியர் அவனி பாலா ஆகியோர் முன்னிலை வகித்தனர்.
மதுரை மாநகர் தலைமை ரஜினி ரசிகர் மன்ற துணைச் செயலாளர் பி.அழகர்சாமி தனது சொந்த செலவில் கல்வி உதவி தொகையை வழங்கினார்.
சிறப்பு அழைப்பாளராக ஓய்வு பெற்ற ஏ.டி.எஸ்.பி குமரவேல் மற்றும் பாலநமச்சிவாயன் ஆகியோர் கலந்து கொண்டு சிறப்பித்தனர்.
கல்வி உதவித் தொகையை வழங்கிய ரஜினி ரசிகர் மன்ற துணைச் செயலாளர் அழகர்சாமி செய்தியாளர்களிடம் கூறுகையில் :- மதுரை மகபூப்பாளையம் பகுதியில் கடந்த 25 வருடங்களுக்கும் மேலாக தொடர்ந்து தலைவர் ரஜினிகாந்த் பெயரில் பல்வேறு நலத்திட்ட நிகழ்ச்சிகளை நடத்தி வரும் 59- வது வார்டு ரசிகர் மன்ற நிர்வாகி ரஜினி முருகனின் மூத்த மகள் ரம்யா டி.பி ரோட்டில் உள்ள அரசினர் மகளிர் மேல்நிலைப் பள்ளியில் 12 ஆம் வகுப்பில் 600 க்கு 482 மதிப்பெண் பெற்றுள்ளார். அவரின் தந்தையான ரஜினி முருகன் பெயிண்டிங் கூலி வேலை பார்த்து வருகிறார்.
எனவே மாணவி ரம்யா அடுத்த கட்ட கல்லூரி மேற்படிப்பு தொடர்வதற்காக தியாகராஜர் கலை அறிவியல் கல்லூரியில் பி.எஸ்.சி கம்ப்யூட்டர் சயின்ஸ் கல்வி பயில்வதற்காக கல்லூரி கட்டணத் தொகை ஆண்டுக்கு ரூபாய் 25 ஆயிரம் விதம் 3 வருடங்களுக்கும் சேர்த்து 75 ஆயிரம் ரூபாய் கட்டணத் தொகை மற்றும் யூனிபார்ம், கல்வி உபகரணங்கள் வாங்கும் செலவு உள்பட 1 லட்சம் ரூபாய் எனது சொந்த செலவில் வழங்கினேன். மேலும் மகபூப்பாளையம் பகுதியில் வசிக்கும் ஏழை எளிய மகளிர்களுக்கு நலத்திட்ட உதவிகளையும் வழங்கினோம் என அவர் கூறினார்.
இந்நிகழ்வில் ரசிகர் மன்ற நிர்வாகிகள் உதயகுமார், ஹரிஷ், அஜித், சந்திரன், ரமேஷ், மலைகார்த்திக், மாதவன், ஜெயமணி, முருகவேல்,சரவணன், அவனி கார்த்திக், விக்கி, ரீகன், ராகுல் உட்பட நிர்வாகிகள் ஏராளமானோர் கலந்து கொண்டனர்.
ரஜினியின் தீவிர ரசிகரின் மகள் கல்லூரி கட்டணம் செலுத்த முடியாமல் தவித்ததை கேள்விப்பட்டு உடனடியாக உதவி செய்த ரஜினி ரசிகருக்கு பாராட்டுக்கள் குவிந்து வருகிறது..
உலக இரத்த கொடையாளர் தின விழா மதுரை மாவட்ட ஆட்சியர் தலைமையில் நடைபெற்றது. இரத்த கொடை பற்றிய விழிப்புணர்வு தகவல் கல்வி தொடர்பு பதாகைகளை திறந்து வைத்தபின் மாவட்ட ஆட்சியர் தலைமையில் உறுதி மொழி எடுத்துக் கொண்டனர்.
ஆட்சியரக வளாகத்தில் நர்சிங் கல்லூரி மாணவ மாணவிகளின் இரத்த தான விழிப்புணர்வு நடைபேரணியை கொடி அசைத்து துவக்கி வைத்தார்.நடை பேரணி பனகல் சாலை வழியாக அரசு இராசாசி மருத்துவமனை கூட்ட அரங்கை அடைந்தது. அதன்பின் கருத்தரங்கம் நடைபெற்றது. இரத்த கொடையாளர்களுக்கு விருது மற்றும் சான்றிதழ்கள் வழங்கும் நிகழ்வு நடைபெற்றது.
மாவட்ட சுகாதார அலுவலர் டாக்டர் குமரகுருபரன், இணை இயக்குநர் நலப்பணிகள் டாக்டர் செல்வராஜ், மாவட்ட இரத்த பரிமாற்று அலுவலர் டாக்டர் சிந்தா, மாவட்ட திட்ட மேலாளர் ஜெயபாண்டி உட்பட டான்சாக்ஸ் பணியாளர்கள் இரத்த வங்கி அலுவலர்கள், செவிலியர் கல்லூரி பேராசிரியர்கள் தன்னார்வ தொண்டு நிறுவன பணியாளர்கள், 153 முறை இரத்த தானம் செய்த ஜோஸ், 114 முறை இரத்த தானம் செய்த வரதராஜன் மற்றும் பாம்பே குரூப் போன்ற அரிய வகை இரத்த கொடையாளர்கள் கலந்து கொண்டனர்.
மதுரை மாவட்ட நபார்டு வங்கி நிதி உதவி பெற்று சாஜர் சாரிட்டபிள் டிரஸ்ட் சார்பாக மதுரை மத்திய சிறையில் சிறைவாசிகளுக்கு சிறுதானிய உணவுப் பொருட்கள் தயாரிக்கும் பயிற்சி நிறைவு விழா
மதுரை மத்திய சிறையில் உள்ள தண்டனை சிறைவாசிகளுக்கு சிறுதானிய மதிப்பு கூட்டு உணவு பொருட்கள் தயாரிக்கும் பயிற்சியின் நிறைவு நாள் மற்றும் சான்றிதழ் வழங்கும் நிகழ்ச்சி நடைபெற்றது.இதில் ஆண் மற்றும் பெண் தண்டனை சிறைவாசிகள் 50 நபர்கள் கலந்து கொண்டனர்.
இப்பயிற்சிக்கு நபார்டு தேசிய வங்கியின் நிதி உதவி பெற்று சாஜர் சாரிட்டபிள் டிரஸ்ட் ஆனது பயிற்சியினை 30 தினங்களில் 32 வகையான இனிப்பு மற்றும் கார வகைகள் பேக்கரி பொருட்கள் தயாரிக்க சிறந்த பயிற்சியாளர்களை கொண்டு நடத்தியது.
அதன் நிறைவு நாளில் மதுரை சரக சிறைத்துறை டி.ஐ.ஜி பழனி தலைமையில், மத்திய சிறை கண்காணிப்பாளர் சதீஷ்குமார் மற்றும் மதுரை நபார்டு வங்கியின் பொது மேலாளர் சக்திபாலன், மாவட்ட தொழில் மைய பொது மேலாளர் கணேசன் மற்றும் சாஜர் அறக்கட்டளை தலைவர் டாக்டர் ஜாஸ்மின் ராஜ்குமார் மற்றும் திவ்யா ஆகியோர் கலந்து கொண்டு பயிற்சியில் பங்கேற்ற சிறைவாசிகளுக்கு சான்றிதழும் தொடர்ந்து தொழில் புரியும் விதமாக தொழில் கருவிகளும் வழங்கினார்கள்.
இப்பயிற்சியில் ஹெல்த் மிக்ஸ், கவுனி கஞ்சி மிக்ஸ், பல தானிய அடை மிக்ஸ், சப்பாத்தி மிக்ஸ், ராகி இட்லி மிக்ஸ், வரகரசி முறுக்கு, குதிரைவாலி ரிப்பன் பக்கோடா, கம்பு மிளகு சேவு, கம்பு ஓமப்பொடி, வரகரிசி பட்டர் சேவு, கம்பு லட்டு, கருப்பு கவுனி மிக்ஸ், வரகு களி மிக்ஸ், சோளபணியாரம், சோளபக்கோடா, சிவப்பரிசி இடியாப்ப மாவு மிக்ஸ், ராகி புட்டு மிக்ஸ், சாமை தட்டை ராகி அல்வா, ராகு சாக்கோ கேக் உள்ளிட்ட 32 வகையான இனிப்பு கார வகைகள் தயாரிக்கும் முறை கற்றுக் கொடுக்கப்பட்டது.
பயிற்சியின் இறுதியில் பேக்கிங் மிஷின், சீலிங் மெஷின், தராசுகள், பேக்கிங் ஸ்டிக்கர், பாட்டில் வகைகள், பேக்கிங் கவர் மெட்டீரியல்ஸ் உள்ளிட்டவை வழங்கப்பட்டது.
இவர்கள் மூலம் தயார் செய்யப்படும் சிறுதானிய பொருட்கள் சிறை சந்தையில் பொதுமக்கள் பயன்பாட்டிற்கு விற்பனைக்கு வைக்கப்படும் என்பது குறிப்பிடத்தக்கது.
நிகழ்ச்சியின் முடிவில் சாஜர் சாரிட்டபிள் டிரஸ்ட் தலைமை நிர்வாக அதிகாரி நசீம்பானு நன்றி கூறினார்.
தேனி மாவட்டம் திம்மரசநாயக்கனூர் கிராமத்தில் உள்ள ஊராட்சி ஒன்றிய நடுநிலைப் பள்ளியில் படித்த முன்னாள் மாணவர்கள், இந்நாள் மாணவர்கள், தன்னார்வலர்கள் இணைந்து உலக சுற்றுச்சூழல் தினத்தை முன்னிட்டு ஆலமரம், அரசமரம், வில்வமரம், அத்தி மரம், நாவல் மரம் உள்ளிட்ட மரங்கள் நடும் விழா நடைபெற்றது.
இதில் சிறப்பு அழைப்பாளராக கலந்து கொண்ட தன்னார்வலர் த. ராம்குமார் மரம் நடும் நிகழ்வை தொடங்கி வைத்தார்.
சிறப்பு விருந்தினர்களாக நன்செய் தன்னார்வ அமைப்பு நிறுவனர் பசுமை செந்தில், அற நல்லுலகம் பொதுநல அறக்கட்டளை நிறுவனர் லட்சுமணன் ஆகியோர் கலந்து கொண்டு சிறப்பித்தனர்.
நிகழ்ச்சிக்கான ஏற்பாடுகளை முன்னாள் மாணவர்கள் ரவிச்சந்திரன் மற்றும் ஐஸ் அழகர் ஆகியோர் செய்திருந்தனர்.
இதில் முறுக்கு பாண்டி கார்த்தி மணியன், ஆட்டோ ரெங்கராஜ் உள்பட பலர் பங்கேற்றனர்.
நிகழ்ச்சியை திம்மரசநாயக்கனூர் ஊராட்சி ஒன்றிய நடுநிலைப்பள்ளி ஆசிரியர் சக்திவேல் ஒருங்கிணைத்தார்.
மதுரை காந்தி மியூசியம் வளாகத்தில் அனைத்து தெலுங்கு அமைப்புக்கள் இணைந்து நடத்திய பேரரசி ராணி மங்கம்மாளின் 375 வது பிறந்தநாள் விழா நடைபெற்றது.
நிகழ்ச்சிக்கு தமிழ்நாடு ஒருங்கிணைந்த நாயுடு நாயக்கர் அசோசியேசன் மாநிலத் தலைவர் பி.வி ராதாகிருஷ்ணன் தலைமை வகித்தார்.
நிகழ்ச்சிக்கு வருகை தந்தவர்களை விஜயநகர பேரரசு வரலாற்று மீட்பு குழுவின் தலைவர் கே.பி.ஆர்.சென்ராஜ் நாயுடு மற்றும் அனைத்து மக்கள் நல அறக்கட்டளை நிறுவனர் மணப்பந்தல் எஸ்.கே.ஆர் பாஸ்கர், இந்து கவரா நாயுடு அறக்கட்டளை நிறுவனர் பொம்மை ரவிச்சந்திரன் ஆகியோர் வரவேற்று பேசினர்.
இவ்விழாவிற்கு ஜனநாயக மக்கள் ராஜ்ஜியம் மண்டல தலைவர் எவர்கிரீன் ஜி.வி பாலமுருகன், விஜயநகர பேரரசு வரலாற்று மீட்பு குழு பொருளாளர் ரெங்கராஜ், மதுரை நாயக்கர் வம்சம் நிறுவனர் ஜே.பி நாயுடு, அகில இந்திய தெலுங்கு சம்மேளன மதுரை மாவட்ட இளைஞரணி தலைவர் பார்மா ராதாகிருஷ்ணன் ஆகியோர் முன்னிலை வகித்தன ர்.
இவ்விழாவில் சிறப்பு விருந்தினர்களாக தமிழ்நாடு நாயுடு மகாஜன சங்க பொதுச் செயலாளர் போஸ் நாயுடு மற்றும் அனந்தராமன், கிருஷ்ணராஜ், சிட்கோ சீனிவாசன், சபாஷ் நாயுடு, முத்துராஜா, தங்கப்பாண்டி, பாலகிருஷ்ணன், பிரபு நாயுடு, ஜெகநாதன், பீரோ.செந்தில், வீரராஜ், ராதாகிருஷ்ணன், ஹேமா நாயுடு, சுந்தரேஸ்வரி, தத்து.பெருமாள், பழனி பத்மநாபன், பாஞ்சாலங்குறிச்சி மல்லுச்சாமி நாயக்கர் உள்பட ஏராளமானோர் கலந்து கொண்டனர்.
நிகழ்ச்சியின் முடிவில் கட்டபொம்மன் பேரவை இளைஞர் அணி செயலாளர் உன்னிப்பட்டி நவநீதகிருஷ்ணன் நன்றி கூறினார்.
கரூர் மாவட்டத்தைச் சேர்ந்த நரேந்திரன் கந்தசாமி என்ற இளைஞர், யார் கேட்டாலும் அவர்களின் இல்ல சுபநிகழ்வுகளில் மரக்கன்றுகளை வழங்கி வருகிறார். தனது வருமானத்தில் பெரும்பகுதியை செலவிட்டு, தன்னுடைய ஊரில் ஆயிரக்கணக்கான மரக்கன்றுகளை நட்டு பராமரித்து வருகிறார்.
பொதுவாக இயற்கை மீது காதல் கொண்டவர்கள் தங்கள் திருமணம் உள்ளிட்ட சுப நிகழ்வுகளுக்கு வருகை தரும் சுற்றத்தாருக்கு பரிசுப் பொருட்களுக்கு பதிலாக மரக்கன்றுகளை கிஃப்டாக வழங்குவார்கள். ஆனால், கரூர் மாவட்டத்தைச் சேர்ந்த நரேந்திரன் கந்தசாமி என்ற இளைஞரோ, தனக்கு நேரடி பழக்கம் இல்லாதவர்கள் கேட்டாலும் அவர்களின் இல்ல சுபநிகழ்வுகளில் மரக்கன்றுகளை வழங்கி வருவது, இயற்கை ஆர்வலர்கள் மத்தியில் கவனம் பெற்றிருக்கிறது.
கரூர் மாவட்டம், வ.வேப்பங்குடி கிராமத்தைச் சேர்ந்தவர்தான் நரேந்திரன் கந்தசாமி. அமெரிக்காவில் கணினி தொழில்நுட்ப ஆலோசகராக பணியாற்றி வருகிறார். இந்நிலையில், தனது வருமானத்தில் பெரும்பகுதியை செலவிட்டு, இயற்கையை கட்டமைக்கும் காரியங்களில் ஈடுபட்டு வருகிறார். தன்னுடைய ஊரில் ஆயிரக்கணக்கான மரக்கன்றுகளை நட்டு பராமரித்து வருகிறார். அதோடு, தமிழகத்திலேயே முதன்முறையாக தனது ஊரில் உள்ள பொது இடத்தில் இயற்கை முறையில் சமுதாய காய்கறித் தோட்டம் அமைத்து, அதில் விளைந்த காய்கறிகளை கொரோனா காலக்கட்டத்தில் மக்களுக்கு இலவசமாக வழங்கினார். இதைத்தொடர்ந்து, தனது பஞ்சாயத்தில் உள்ள கிராம மக்களுக்கு இலவசமாக நாட்டுரக விதைகளை வழங்கி, வீட்டுத்தோட்டம் அமைக்க வழிவகை செய்தார். இதுபோல், தமிழகத்தில் இயற்கை சார்ந்த ஆர்வலர்கள் நூற்றுக்கணக்கானவர்களுக்கு விதைகளை வழங்கியிருக்கிறார். இந்நிலையில்தான், அடுத்த முயற்சியாக சமூகவலைதளம் மூலம் தன்னை தொடர்புகொள்பவர்களின் இல்ல சுப நிகழ்ச்சிகளுக்கு ரிட்டர்ன் கிஃப்ட்டாக மரக்கன்றுகளை வழங்க ஆரம்பித்துள்ளார்.
இதுகுறித்து, நரேந்திரன் கந்தசாமியிடம் பேசியபோது, “எங்கும் பசுமை.. எதிலும் பசுமை… இனியெல்லாம் பசுமை என்ற நோக்கில் பசுமை மாற்றத்தை வ.வேப்பங்குடியில் துவங்கி தமிழகம் முழுதும் விதைத்து வருகிறோம். இதன் அடுத்த கட்டமாகத்தான், என்னைப் பற்றி அறிந்து என்னிடம் கேட்பவர்களின் இல்ல விழாக்களில் வழங்க, மரக்கன்றுகளை எங்கள் பசுமைக்குடி அமைப்பு சார்பாக கொடுக்கத் தொடங்கியிருக்கிறோம்.
கடந்த மே மாதம் 22-ம் தேதி கரூர் மாவட்டம், மணவாசி நடுநிலைப்பள்ளி தலைமை ஆசிரியையான தேன்மொழி இல்ல திருமண விழாவில் மரக்கன்றுகள் வழங்கப்பட்டன. அதேபோல், எழுதியாம்பட்டி தொடக்கப் பள்ளியின் தலைமை ஆசிரியையுமான கலா தம்பதியின் இல்ல திருமண நிகழ்வில் மரக்கன்றுகள் வழங்கப்பட்டன. இந்த முயற்சியின் நோக்கம், ‘மரம் வளர்ப்போம் மழை பெறுவோம்’ என்பதோடு, ‘பழமும் பெறுவோம், பணமும் சேமிப்போம்’ என்றெண்ணத்துடன் முடிந்த வரையில் பழவகை மரக்கன்றுகளை அனைத்து நிகழ்வுகளிலும் எங்கள் அமைப்பு சார்பாக வழங்கி வருகிறோம்.
தமிழ் பாரம்பரிய மருத்துவர்:36 ஆண்டுகள் அனுபவம் வாய்ந்த இயற்கை மருத்துவ சிகிச்சையாளர் மற்றும் பயிற்சி உடல்நலம் & வாழும் கலை அறிவியல்:
பெண்களுக்கு பக்க விளைவு இல்லாமல் சிகிச்சை அளிக்கும் நோய்களின் விவரம்:
பெண்மையின் பிரதிபலிப்பாக இருக்கும் 28 நாள் மாதவிடாய் சுழற்சி சரியின்மை, முன்பின் வலிகள், உடல் மனரீதியான மாற்றங்கள், அதிக அல்லது குறைவான உதிரப்போக்கு, மாதம் இருமுறை வருதல் அல்லது சில மாதங்கள் தாமதித்து வருதல், உடல் பலகீனம், உடல் பருமன், தைராய்டு ஹார்மோன் குறைபாடுகள், கர்ப்பப்பை சினைப்பை கட்டிகள், வெள்ளைப்படுதல், பிறப்புறுப்பு அரிப்புகள், புண்கள், இளம்பெண்களின் மாதவிடாய் பிரச்சனைகள், ருது ஆகாமை, குழந்தையின்மை, மாதவிடாய் நிற்கும் காலப் பிரச்சினைகள், மேலும் (ஆக்சிடென்ட், ஆப்ரேஷன், அபார்ஷன், பிரசவம்) தவிர அனைத்து பெண்களின் நோய்களுக்கும் சிகிச்சை அளிக்கப்படும்.
தீராத பல நாட்பட்ட நோய்களுக்கும் சிறப்பு சிகிச்சை முற்றிலும் இயற்கை வைத்தியம் பத்தியம் இல்லை:
(ஆக்ஸிடென்ட், ஆப்ரேஷன், அபார்ஷன், பிரசவம்) தவிர பக்க விளைவு இல்லாமல் சிகிச்சை அளிக்கும் நோய்களின் விவரம்: தலைவலி, கழுத்து வலி, இடுப்பு வலி, மூட்டு வலி, நரம்பு வலி, பிடிப்பு, தேய்மானம், வீக்கம், பக்கவாதம், முகவாதம், முடக்குவாதம், சரவாங்கி, அடிக்கடி சளி, இருமல், தும்மல், சைனஸ், டான்சில், ஆஸ்துமா, வீசிங், TB, சீரணமின்மை, வயிற்று வலி, வாய்வு, வாய்ப் புண், வயிற்றுப்புண், மரச்சிக்கல், மூலநோய்கள், சர்க்கரை நோய், இதயநோய்கள், கொலஸ்ட்ரால், இரத்த அழுத்தம், இரத்தக்குறைவு, தைராய்டு, உடல் பருமன், உடல் மெலிவு, ஆண்மைக்குறைவு, சிறுநீரகக் கல். தோல் நோய்கள், அல்சர் முதல் கேன்சர் வரை அனைத்து நாட்பட்ட நோய்கள், மூளை வளர்ச்சியின்மை, மன அமைதியின்மை, ஞாபக மறதி, மது அடிமைகள், எதிர்ப்பு சக்தி குறைவு.
பிரதி மாதம் மருத்துவர் வருகை தரும் இடங்கள்:
அரவக்குறிச்சி – (2 to 3 தேதி) 89, புது தெரு, பன்னீர் லேத் பின்புறம், சின்னப்பள்ளி வாசல் அருகில், அரவக்குறிச்சி, கரூர் மாவட்டம் – 639201
நெய்வேலி நகரம் – (5 to 10 தேதி) சண்முகா மெடிக்கல், புது குப்பம், ரவுண்டானா வட்டம் – 26, கடலூர் மாவட்டம் – 607803
மேட்டூர் அணை – (1, 4, (11 to 31) தேதி) ஸ்ரீ விக்னேஷ் யோகா மற்றும் இயற்கை மருத்துவ சிகிச்சை மையம், குஞ்சாண்டியூர், மேட்டூர் அணை – 636404
தமிழ் பாரம்பரிய மருத்துவர்: 36 ஆண்டுகள் அனுபவம் வாய்ந்த இயற்கை மருத்துவ சிகிச்சையாளர் மற்றும் பயிற்சி உடல்நலம் & வாழும் கலை அறிவியல் யோகா குரு, பேராசிரியர் Dr.G.தமிழழகன், B.Sc., DNYS, SMP, BEMS, M.D.Acu., Ex-Servicemen., இலவச ஆலோசகர், Regd.No. B.A. 22961/TN/28-3-1994 தொடர்புக்கு: டாக்டர் 94434 10495, சென்டர் 90432 10495, 04298-230334
AO அளவிலான தாளில் ஒரு மணிநேரம் 49 நிமிடங்களில் டூடுல் ஆர்ட் வரைந்து சோழன் உலக சாதனை படைத்த 10 வயது மாணவன்.
மதுரையை சேர்ந்த வினோத்குமார் – தமிழரசி தம்பதியரின் மகன் 10 வயதான மகிலன், இவர் மதுரை கேந்திர வித்யாலயா பள்ளியில் 5 ஆம் வகுப்பு பயின்றுள்ளார். இந்நிலையில் மதுரை தெப்பக்குளம் பகுதியில் உள்ள கலாம் பாரம்பரிய கலைக் கழக வளாகத்தில் நடைபெற்ற சோழன் உலக சாதனை படைக்கும் முயற்சியில் AO அளவிலான தாளில் ஒரு மணிநேரம் மற்றும் 49 நிமிடங்களில் டூடுல் ஆர்ட் வரைந்து சோழன் உலக சாதனை படைத்தார்.
இந்த உலக சாதனை முயற்சியை நேரில் கண்காணித்து சோழன் உலக சாதனைப் புத்தக நிறுவனத்தின் நிறுவனர் முனைவர் நீலமேகம் நிமலன், பொதுச் செயலாளர் ஆர்த்திகா நிமலன், தென் மண்டலத் தலைவர் முனைவர் சுந்தர் மற்றும் மதுரை மாவட்டச் செயலாளர் மருத்துவர் கஜேந்திரன், ஆசான் அழகு முருகன் போன்றோர் நேரில் கண்காணித்து உறுதி செய்தனர்.
பின்னர் சோழன் உலக சாதனை படைத்த மாணவனுக்கு சான்றிதழ் நினைவு கேடயம் பதக்கம் மற்றும் அடையாள அட்டை போன்றவைகளை சோழன் உலக சாதனை புத்தகத்தின் நிறுவனர் முனைவர் நீலமேகம் நிமலன் வழங்கி பாராட்டினார்.
உலக சாதனை படைத்த மாணவனை கலாம் பாரம்பரிய கலைக் கழகத்தின் மாணவர்கள் வாழ்த்தி பாராட்டினர்.
இளைஞர் குரல் இனி ஒரு விதி செய்வோம்
