தங்கம்! -கடத்தல்காரர்களின் இலக்காகும் திருச்சி ஏர்போர்ட்

திருச்சி விமான நிலையத்தில், கடந்த ஆறு மாதத்தில் பிடிபட்ட கடத்தல் தங்கத்தின் அளவு, 30 கிலோவை தாண்டிவிட்டது. கடந்த ஒரு மாதத்தில் மட்டும் 10 கோடி மதிப்பிலான தங்கம் சிக்கியுள்ளது.

கடந்த 6-ம் தேதி, திருச்சி மற்றும் கோவை விமான நிலையங்களுக்கு ஹை அலர்ட் வந்தது. அடுத்த சில நொடிகளில் அதிகாரிகள் பரபரப்பாக இயங்கினர். கோலாலம்பூரில் இருந்து துபாய்-கொழும்பு வழியாக திருச்சி வந்த ஶ்ரீலங்கன் ஏர்லைன்ஸ் விமானத்தில் வந்த பயணிகளை விமானப்படை நுண்ணறிவுப் பிரிவு அதிகாரிகள் சோதனைசெய்தனர். அதில், 4 பேர் மீது அதிகாரிகளின் சந்தேக ரேகை படர்ந்தது. இதையடுத்து, அவர்களைத் தனியாக அழைத்துச்சென்று விசாரித்ததுடன், அவர்களிடம் சோதனை நடத்தினர்.