செய்திகள்

தேசிய மனித உரிமை சமூகநீதி கவுன்சில் ஆஃப் இந்தியா குளோபல் அமைப்பில் புதிதாக இணைந்த உறுப்பினர்களுக்கு அடையாள அட்டை வழங்கும் நிகழ்ச்சி மதுரை மகபூப்பாளையத்தில் உள்ள தனியார் அரங்கில் மாநிலத் தலைவர் முனைவர் பிச்சைவேல் ஆலோசனைப்படி நடைபெற்றது.

அமைப்பின் மாநில துணைத்தலைவர் டாக்டர் மாணிக்கராஜ் தலைமையேற்று அடையாள அட்டைகளை வழங்கினார்.

பின்னர் புதிய உறுப்பினர்களுக்கு அமைப்பின் சட்டதிட்டங்கள் குறித்தும் புதிதாக அடையாள அட்டை பெற்ற உறுப்பினர்கள் பொதுமக்களுக்கு சமூக சேவைகளை செய்ய வேண்டும் என ஆலோசனைகளை வழங்கி அவர் பேசினார்.

நிகழ்ச்சியை மாநில இளைஞரணி தலைவி எம்.ஜெ ஜீவனா ரோஸ் ஒருங்கிணைத்தார்.

மதுரை மாநகராட்சி பொறியியல் பிரிவு பணியாளர்கள் சங்கத்தின் சார்பாக 8-ஆம் ஆண்டு விழா மற்றும் மே தின விழா ஓய்வு பெற்ற பணியாளர்களுக்கு நினைவு பரிசு வழங்கும் விழா மாவட்ட நீதிமன்றம் அருகே உள்ள மடீட்சியா அரங்கத்தில் சங்கத்தலைவர் சி.எம்.மகுடீஸ்வரன் தலைமையிலும், செயலாளர் கே.கண்ணன் முன்னிலையிலும் நடைபெற்றது.

விழாவிற்கு வருகை தந்தவர்களை சங்க பொருளாளர் கே.டி.துரைக்கண்ணன் வரவேற்று பேசினார்.

மேலும் சங்கத்தின் சார்பாக நடந்த கபடி, ஓட்டப்பந்தயம் உள்ளிட்ட பல்வேறு போட்டிகளில் வெற்றி பெற்ற சிறுவர்,சிறுமி மற்றும் பணியாளர்களுக்கு மண்டலம் -1
உதவி ஆணையாளர் பார்த்தசாரதி மற்றும் தலைமைச் செயலக சங்கத் தலைவர் கு.வெங்கடேசன், தமிழ்நாடு அரசு ஊழியர் சங்க பொதுச் செயலாளர் ஆ.செல்வம், நகர் நல அலுவலர்
டாக்டர்.வினோத்குமார் ஆகியோர் பரிசுகளை வழங்கி பாராட்டினர்.

இந்நிகழ்வில் சி.ஐ.டி.யு பொதுச் செயலாளர் எம். பாலசுப்பிரமணியன், தமிழ்நாடு நெடுஞ்சாலை துறை சாலை பணியாளர் சங்க மாநில பொருளாளர் இ.ரா.தமிழ், நகர சுகாதார செவிலியர் சங்க மாநில தலைவர்
எம்.பஞ்சவர்ணம், மாநகராட்சி அனைத்து பணியாளர் சங்கத்தின் ஒருங்கிணைப்பாளர் குரு பார்த்தசாரதி, நிரந்தர ஓட்டுனர் சங்கத் தலைவர் எம்.சரவணன், வருவாய் உதவியாளர் சங்கத்தின் பொருளாளர் கே.ஆறுமுகம், துப்பரவு மேற்பார்வையாளர் சங்கத்தின் செயலாளர் கே.கிருஷ்ணன், பொறியியல் பிரிவு சங்கத்தின் முன்னாள் தலைவர் தனசேகரன், மற்றும் உதவி பொறியாளர்கள் ஆர்.சங்கிலி ராஜன், கே.எஸ்.பாஸ்கரபாண்டியன், இளநிலை பொறியாளர்கள்
எஸ்.பாபு, ஏ.முருகன்,என். ரெங்கநாதன்,
பி.காவேரி ரங்கன்,எம்.வீரப்பரணி தாஸ் உள்பட ஏராளமானோர் கலந்து கொண்டனர்.

விழாவிற்கான ஏற்பாடுகளை பொறியியல் பிரிவு பணியாளர் சங்கத்தின் பொதுக்குழு உறுப்பினர்கள் மற்றும் மண்டல தலைவர்கள் சிறப்பாக செய்திருந்தனர்.

நிகழ்ச்சியின் முடிவில் சங்கத் துணைத் தலைவர் எ.துரைராஜ், துணைச் செயலாளர் பி.முத்துக்குமார் ஆகியோர் நன்றி கூறினர்.

மதுரையில் தமிழ்நாடு சமூகநலத்துறை கூட்டுறவு சங்கங்களின் பணியாளர்கள் நலச்சங்கத்தின் மாநில பேரவைக் கூட்டம் மாநில தலைவர் இ.சுரேஷ் தலைமையிலும், மாநில செயலாளர் கிருஷ்ணமூர்த்தி முன்னிலையிலும் நடைபெற்றது.

இக்கூட்டத்தில் தமிழ்நாடு மாநில தொடக்க கூட்டுறவு வங்கி அனைத்துப் பணியாளர்கள் சங்க மாநில செய்தி தொடர்பு செயலாளர் ஆ.ம.ஆசிரிய தேவன் சிறப்பு அழைப்பாளராக கலந்து கொண்டு தையல் தொழிற் கூட்டுறவு சங்கங்கள் மற்றும் பணியாளர்கள் சந்திக்கும் பிரச்சினைகளுக்கு சட்டப்பூர்வமான தீர்வுகள் பற்றி பேசினார்.

இந்நிகழ்வில் தமிழகம் முழுவதும் உள்ள கூட்டுறவு சங்கங்களின் பணியாளர்கள் 60 க்கும் மேற்பட்டோர் கலந்து கொண்டனர்.

தமிழக பள்ளி மாணவர்களுக்கு வழங்கும் சீருடை தைக்கும் பணியினை எப்போதும் போல் சமூகநலத்துறை கூட்டுறவு சங்கங்களுக்கே வழங்கி தையல் தொழிலாளர் கூட்டுறவு சங்கங்களின் உறுப்பினர்களின் வாழாவாதாரம் காக்கப்பட வேண்டும்.

தையல் கூட்டுறவு சங்கப் பணியாளர்களுக்கு அகவிலைப்படி உடனடியாக உயர்த்தி வழங்க வேண்டும். என்பது உள்ளிட்ட பல் வேறு தீர்மானங்கள் நிறைவேற்றப்பட்டது.

கூட்ட முடிவில் மாநில துணைச் செயலாளர் திருமதி நிர்மலா தேவி நன்றி கூறினார்.

முன்னாள் பிரதமர் ஜவஹர்லால் நேரு நினைவு தினத்தை முன்னிட்டு, மதுரை தல்லாகுளம் பகுதியில் உள்ள அவரது திருவருச்சிலைக்கு பெருந்தலைவர் காமராஜர் அறக்கட்டளை சார்பாக மாநில பொதுக்குழு உறுப்பினர் கே.ஆர் சுரேஷ்பாபு தலைமையிலும்,
மாநில பொதுக்குழு உறுப்பினர்கள் மணிமாறன், நாஞ்சில் பால்ஜோசப் பூக்கடை கண்ணன், பஞ்சாயத்து ராஜ் மாவட்ட தலைவர் முத்துக்குமார், தொழிற்சங்க மதுரை மாவட்ட தலைவர் எஸ் என் பாலாஜி ஆகியோர் முன்னிலையிலும்
மாலை அணிவித்து மரியாதை செலுத்தப்பட்டது.

இந்நிகழ்வில் மாவட்ட பொதுச் செயலாளர் போஸ், பகுதி தலைவர் சக்திவேல், மாவட்ட செயலாளர் மணிவேல், இளைஞரணி குருபிரசாத், சரவணன், அய்யர் பாலாஜி, மகளிரணி பஞ்சவர்ணம், வார்டு தலைவர்கள் குமரகுரு, கோபால், மொக்கச்சாமி, உள்பட ஏராளமானோர் கலந்து கொண்டனர்.

காங்கிரஸ் கட்சி முன்னாள் மதுரை மாநகர் மாவட்ட தலைவரும், ஐ.என்.டி.யூ.சி தமிழக முன்னாள் தலைவருமான கே.எஸ். கோவிந்தராஜன் மற்றும் தேசிய பஞ்சாலை தொழிலாளர் சங்க தேசிய பொதுச் செயலாளர் கே.எஸ்.ஜி குமார் ஆகியோர் பிறந்த நாள் விழாவை முன்னிட்டு மதுரை ஆழ்வார்புரம் பகுதியில் உள்ள பெருந்தலைவர் நடிகர்திலகம் அறக்கட்டளை அலுவலகத்தில் பஞ்சாயத்து ராஜ் மாவட்ட தலைவர் ஜி.முத்துக்குமார் தலைமையில் கேக் வெட்டி சிறப்பாக கொண்டாடப்பட்டது.

இந்நிகழ்வில் மாநில பொதுக்குழு உறுப்பினர்கள் கே.ஆர்.சுரேஷ்பாபு, எஸ்.மீர்பாஷா, வீரவாஞ்சிநாதன், தொழிற்சங்க மாவட்ட தலைவர் எஸ்.என்.பாலாஜி, மாவட்ட பொதுச்செயலாளர் போஸ், மாவட்டத் துணைத் தலைவர் சுப்பையா ஐ.ஓ.பி, வார்டு தலைவர்கள் சரவணராஜ், பாலமுருகன், மொக்கச்சாமி, அப்துல்லா, நாகேந்திரன், இளைஞர் காங்கிரஸ் குருபிரசாத், ஷ்யாம் உள்பட ஏராளமானோர் கலந்து கொண்டனர்.

மதுரை மாவட்டம் அலங்காநல்லூர் ரோடு சிக்கந்தர் சாவடி அருகே உள்ள பாசிங்காபுரத்தில் லாவண்யா பேக்கரி திறப்பு விழா நடைபெற்றது.

விழாவிற்கு வருகை தந்தவர்களை கடையின் உரிமையாளர் லோகநாதன் – தமிழ்செல்வி மற்றும் அவர்களது மகன் பிரவின் மணி ஆகியோர் வரவேற்றனர்.

இங்கு குறைந்த விலையில் தரமான டீ,காபி,வடை,பிரட், கேக், பப்ஸ், பிஸ்கட் மற்றும் பிறந்தநாள் கேக் ஆகியவை கிடைக்கும் என உரிமையாளர் லோகநாதன் கூறினார்.

முன்னாள் இந்திய பிரதமர் ராஜீவ் காந்தி 33-வது நினைவு தினத்தை முன்னிட்டு, மதுரை ஜான்சி ராணி பூங்காவில் உள்ள இந்திரா காந்தி சிலை முன்பு, மதுரை மாநகர் காங்கிரஸ் கட்சி ராஜீவ்காந்தி பஞ்சாயத்து ராஜ் சங்கதன் சார்பாக அதன் மாவட்ட தலைவர் ஜி.முத்துக்குமார் தலைமையிலும், தொழிற்சங்க மதுரை மாநகர் மாவட்ட தலைவர் எஸ்.என்.பாலாஜி மற்றும் வடக்கு மாவட்ட தலைவர் ப.தாமரைக்கண்ணன் ஆகியோர் முன்னிலையிலும், ராஜீவ்காந்தி திருவுருவப்படத்திற்கு மலர் தூவி நிர்வாகிகள் மரியாதை செலுத்தினர். மேலும் பயங்கரவாத எதிர்ப்பு தின
உறுதிமொழி ஏற்கப்பட்டது.

இந்நிகழ்வில் மாநில பொதுக்குழு உறுப்பினர்கள் மணிமாறன், நாஞ்சில் பால்ஜோசப், பூக்கடை கண்ணன், கே.ஆர்.சுரேஷ்பாபு, வீரவாஞ்சிநாதன் மற்றும் நிர்வாகிகள் போஸ் இளைஞரணி குருபிரசாத், பொதுச்செயலாளர்கள் செல்வராஜ், மூவேந்திரன், பகுதி தலைவர்கள் மீனாட்சிசுந்தரம், கோபிநாத், வார்டு தலைவர்கள் குமரகுரு, மொக்கச்சாமி, மணிவேல், பவர்.சிங்கம், ரவி, எஸ்.டி.கோபால், முருகேசன், பாலமுருகன், சரவணராஜ் உட்பட பலர் கலந்து கொண்டனர்.

சேலத்தில் சிலம்பொலி கலை மற்றும் கல்வி அறக்கட்டளை சார்பாக மாநில அளவிலான சிலம்பாட்ட போட்டி நடைபெற்றது.

நிகழ்ச்சிக்கு சிலம்பொலி அறக்கட்டளை நிறுவனத்தலைவர் ரத்தினகுமார் தலைமை வகித்தார்.

சிறப்பு அழைப்பாளராக கலந்து கொண்ட மாநில சிலம்பாட்ட கழக தலைவர் வளசை முத்துராமன் ஜி முன்னிலை வகித்தார். பின்னர் அவர் பேசுகையில், டிஜிட்டல் இந்தியாவின் படி தொடுவது கம்ப்யூட்டர் முறையில் பாயிண்ட் எடுக்கும் செயல்முறை எடுக்கப்பட்டது.

இனிவரும் காலங்களில் தமிழ்நாடு மட்டுமல்லாமல் இந்தியாவில் உள்ள அனைத்து சிலம்ப போட்டியிலும் இந்த கம்ப்யூட்டர் முறை நடைமுறைக்கு வந்தால் நன்றாக இருக்கும் என்று பேசினார்.

நிகழ்ச்சிக்கு வருகை தந்தவர்களை சிலம்பொலி அறக்கட்டளை பொதுச்செயலாளர் மோகனசுந்தரம் வரவேற்று பேசினார்.

இப்போட்டியில் 500 க்கும் மேற்பட்ட ஆண், பெண் வீரர்கள் கலந்து கொண்டனர்.

மதுரை மாவட்டம் யானைமலை ஒத்தக்கடை யா.புதுப்பட்டி பகுதியில் செயல்பட்டு வரும் ஜீவ அன்பாலயம் முதியோர் இல்லத்திற்கு சமூக ஆர்வலர்
சசிகுமார் சர்க்கரை, ரவை, சேமியா, சம்பா கோதுமை, கோதுமைமாவு, ராகிமாவு,உருட்டு உளுந்து உள்ளிட்ட
மளிகை பொருட்களை வழங்கினார்.

இதில் முதியோர் இல்லம் டிரஸ்ட் நிறுவனர் ஜான் மில்டன், இல்ல மேலாளர் விஜயபாஸ்கர், பத்மா,
எம்மால் இயன்றது நிறுவனர் கண்ணன், திருவள்ளுவர் நூலகம் கண்ணன் உள்ளிட்ட பலர் கலந்து கொண்டனர்..

மணப்பாறையில் பள்ளி மாணவர்களுக்கு இலவசமாக கம்ப்யூட்டர் பயிற்சி வழங்கிய ஜி.ஹெச்.சி.எல் பவுண்டேஷன் மற்றும் பெட்கிராட் நிறுவனத்திற்கு மாணவர்களின் பெற்றோர்கள், கிராம பொதுமக்கள் நன்றிகளை தெரிவித்து கொண்டனர்.

திருச்சி மாவட்டம் மணப்பாறை அருகே உள்ள பொடங்குப்பட்டியில் அரசு நடுநிலைப்பள்ளி செயல்பட்டு வருகிறது. இப்பள்ளியில் வறுமை கோட்டிற்கு கீழ் உள்ள ஏழை மாணவ, மாணவிகள் ஏராளமானோர் கல்வி பயின்று வருகின்றனர். இப்பள்ளியில் கம்ப்யூட்டர் பயிற்சி வகுப்புகள் இல்லாததால் ஏழை மாணவ, மாணவிகள் கம்ப்யூட்டர் பயிற்சி பெற முடியாமல் சிரமப்பட்டு வந்தனர்.

இந்நிலையில் ஜி.ஹெச்.சி.எல் பவுண்டேஷன் மற்றும் பெட்கிராட் நிறுவனம் இணைந்து ஏழை மாணவ, மாணவிகளுக்கு இலவசமாக கம்ப்யூட்டர் பயிற்சியை கோவில் வளாகத்தில் அளிக்க முன் வந்தனர்.

ஒரு மாதம் நடக்கவுள்ள இந்த கம்ப்யூட்டர் பயிற்சியின் தொடக்க விழாவை பொடங்குபட்டி ஊராட்சி மன்ற தலைவர் கோகிலா திருப்பதி தலைமையேற்று தொடங்கி வைத்து பேசுகையில்,
இந்த ஒரு மாத கம்ப்யூட்டர் பயிற்சியை மாணவ மாணவிகள் நன்றாக பயின்று கம்ப்யூட்டர் குறித்த அறிவை வளர்த்துக் கொள்ள வேண்டும் என பேசினார்.

நிகழ்ச்சிக்கு முன்னிலை வகித்த ஊராட்சி ஒன்றிய தொடக்கப் பள்ளியின் தலைமை ஆசிரியர் ஆரோக்கியசாமி பயிற்சியை அளிக்க வந்த நிர்வாகிகளுக்கு தனது நன்றிகளைத் தெரிவித்துக் கொள்வதாக பேசினார்.

நிகழ்ச்சிக்கு வருகை தந்தவர்களை பெட்கிராட் பொதுச்செயலாளர் அங்குசாமி வரவேற்று பேசினார்.

பெட் கிராட் தொழில் பயிற்சி பள்ளி நிர்வாக இயக்குனர் ம.அ சுப்புராமன் துவக்க உரை நிகழ்த்தி பேசுகையில், உங்களை தேடி இந்த கம்ப்யூட்டர் பயிற்சியை வழங்க உள்ளோம். இந்த பயிற்சியை நன்றாக பயின்று சாதனையாளர்களாக நீங்கள் மாற வேண்டும் என பேசினார்.

இந்த பயிற்சியில் மொத்தம் 78 மாணவ மாணவிகள் (53 மாணவிகளும் 25 மாணவர்களும்) தனித்தனியாக இரண்டு பிரிவாக பயிற்சி பெற வந்துள்ளார்கள்.

இந்த அருமையான திட்டத்தை குறித்து ஜி.ஹெச்.சி.எல் பவுண்டேஷன் சி.எஸ்.ஆர் அலுவலர் D.சுஜின் பேசுகையில், ஜி.ஹெச்.சி.எல் பவுண்டேஷன் சார்பாக உங்களைப் போன்ற ஏழை எளிய மாணவர்கள் சாதனையாளராக உருவாக வேண்டும் என்பதற்காக இந்த திட்டம் தொடங்கப்பட்டுள்ளது. ஒரு மாதம் வழங்கப்பட உள்ள இந்த பயிற்சியை கவனமாக பயின்று கம்ப்யூட்டர் குறித்து நன்றாக தெரிந்து கொண்டு வாழ்வில் உயர வாழ்த்துகளை தெரிவித்துக் கொள்கிறேன் என பேசினார்.

விழாவில் சிறப்பு விருந்தினர்களாக ஊர் நாட்டாமைகள் ராதாகிருஷ்ணன், ராஜ்குமார், பழனிவேல் கவுண்டர், கருத்தகண்ணன் கவுண்டர் ஆகியோர் கலந்து கொண்டனர். பெட்கிராட் தலைவர் கிருஷ்ணவேணி, பொருளாளர் சாராள்ரூபி, பயிற்சியாளர் கண்ணன் ஆகியோர் வாழ்த்துரை வழங்கினர். நிகழ்ச்சியின் முடிவில் பயிற்சியாளர் விஜயகார்த்திகா நன்றி கூறினார்.