செய்திகள்

மகாத்மா காந்தியின் பிறந்த நாளையொட்டி தமிழகம் முழுவதும் அவரது சிலைக்கு மாலை அணிவித்தும் இனிப்புகளை வழங்கியும் பல்வேறு அரசியல் கட்சியினர் மற்றும் அமைப்புகளை சேர்ந்தவர்கள் கொண்டாடினர்

அந்த வகையில் காந்தி ஜெயந்தியை முன்னிட்டு மதுரை காந்தி மியூசியத்தில் உள்ள அவரது சிலைக்கு தமிழ்நாடு வியாபாரிகள் சங்க பேரவை சார்பாக வடக்கு மாவட்ட தலைவர் சாமுவேல் என்ற சரவணன் மாலை அணிவித்து மரியாதை செலுத்தினார்.

பின்னர் கர்ம வீரர் காமராஜர் நினைவு தினத்தை முன்னிட்டு புதூர் டி.ஆர்.ஓ காலனியில் உள்ள சங்க அலுவலகத்தில் அவரது படத்திற்கு மலர் தூவி மரியாதை செலுத்தப்பட்டது.

இதில் பிரசில்லா, கணேசன், கார்மேகம் ஜி, சந்திரன், முத்துராஜ், சக்திவேல், லட்சுமி ஆகியோர் பங்கேற்றனர்.

இளைஞர் குரல் செய்திகளுக்காக மதுரை செய்தியாளர் கனகராஜ்

மதுரையில் தமிழ்நாடு தொடக்க கூட்டுறவு வங்கி பணியாளர்கள் பழுதான வேளாண்மை இயந்திரங்களின் சாவியை ஒப்படைக்கும் போராட்டத்தில் பணியாளர்கள் ஈடுபட்டனர்

பழுதாகி செயலற்று கிடக்கும் உழவு இயந்திரம், டிராக்டர், துணை கருவிகள், கதிர் மற்றும் கரும்பு அறுவடை இயந்திரங்கள், நடவு இயந்திரங்கள் போன்ற வாகனங்களின் சாவியை மதுரை பழங்காநத்தம் பகுதியில் உள்ள மண்டல இணைப்பதிவாளர் அலுவலகத்தில் ஒப்படைக்கும் போராட்டத்தில் தமிழ்நாடு தொடக்க வேளாண்மை கூட்டுறவு வங்கி பணியாளர்கள் ஈடுபட்டனர்.

இதுகுறித்து டாக்பியா மாவட்ட செயலாளர் ஆ.ம.ஆசிரியதேவன் கூறுகையில் :-

தமிழகத்தில் 4300க்கும் மேற்பட்ட தொடக்க வேளாண்மை கூட்டுறவு கடன் சங்கங்களும், சுமார் 150 நகர கூட்டுறவு கடன் சங்கங்களும் அடித்தட்டு விவசாய
பெருமக்களின் பொருளாதார மேம்பாட்டிற்கு துணை நின்று பயிர்க்கடன், கால்நடை
வளர்ப்பு, நீர்ப்பாசன வசதி, நகைக்கடன், மகளிர் சுயஉதவிக்குழு, மாற்றுத்திறனாளி
கடன்கள் வழங்குவதுடன், உரம் விநியோகம், அத்தியாவசிய பொருட்கள் விநியோகம்,
பொதுசேவை மையம் என பல்வேறு பணிகளுடன் அரசு அவ்வப்போது அறிவிக்கும்
எந்தவொரு திட்டத்தையும் நேரம் காலம் பாராது உழைத்து வெற்றிகரமாக செயல்படுத்தி
ஏற்கனவே இது பல்நோக்கு சேவை மையங்களாக செயல்பட்டு வருகிறது.

இச்சங்கங்கள் வெற்றிகரமாக செயல்படுத்த இயலாமல் தோல்வியுற்ற ஒரே திட்டம், கடந்த ஆட்சியில் அறிமுகப்படுத்தப்பட்ட வேளாண் சேவை மையம் என்ற திட்டமாகும். இத்திட்டத்தில் தமிழகம் முழுவதும் வாங்கப்பட்ட (திணிக்கப்பட்ட) உழவு இயந்திரம், டிராக்டர், துணைகருவிகள், கதிர் மற்றும் கரும்பு அறுவடை இயந்திரங்கள்,நடவு இயந்திரங்கள் பல லட்சங்களை நட்டப்படுத்தி சங்க வளாகங்களில் பயனற்று
துருப்பிடித்து பயன்படுத்த இயலா நிலையில் குவிந்து கிடக்கிறது.
இச்சங்கங்களில் சுமார் 18000 பணியாளர்கள் பணியாற்ற வேண்டிய நிலையில், 7000 பணியாளர்களே பணிபுரிந்து வரும் நிலையில், பல இடங்களில் ஒரே பணியாளர்
ஒன்றுக்கு மேற்பட்ட சங்கங்களில் பெரும் பணிச்சுமையுடன் பணியாற்றுவதால் கடன்
வசூல், சட்டப்பூர்வ நடவடிக்கைகளில் கவனம் செலுத்த இயலாமல் தொய்வு ஏற்பட்டு
மன உளைச்சலில் பணிபுரிந்து வரும் நிலை உள்ளது.

இந்நிலையில் ஏற்கனவே பலமுறை செயல்படுத்தி தோல்வியுற்ற இத்திட்டங்களை
பல்நோக்கு சேவை மையங்களாக மாற்றுதல் என்ற திட்டத்தின் கீழ் வருடத்திற்கு 1000
கோடி ஒதுக்கி குறீயீட்டை எய்த கூட்டுறவுத் துறையின் அனைத்து நிலை
அதிகாரிகளும் மீண்டும் லாரி, டிராக்டர், அறுவடை இயந்திரங்கள், டிரோன், என
ஒவ்வொரு சங்கங்கமும் 2 லட்சம் முதல் 1 கோடி வரை முதலீட்டில் செயல்படுத்த
கட்டாயப்படுத்துகின்றனர்.

இதுகுறித்து தெளிவான முடிவுகள் எடுக்கப்பட்டு திட்டம்
செயல்படுத்தப்பட வேண்டும்.
சங்கங்களின் எதிர்காலத்தை பற்றி கவலைகொள்ளாமல் கட்டாயப்படுத்துவதை
கைவிடக்கோரி கடந்த 25ம் தேதி மண்டல இணைப்பதிவாளர்களிடம் பெருந்திறள்
முறையீடு செய்தோம்.

அதன்பின்னரும் தீர்வு காணப்படாததால் இன்று 03.10.2023
முதல் ஏற்கனவே வாங்கப்பட்டுள்ள கருவிகளை மண்டல இணைப்பதிவாளர்
அலுவலங்களில் ஒப்படைத்துவிட்டு, இத்திட்டம் கைவிடப்படும் வரை அல்லது
ஒழுங்குப்படுத்தப்படும் வரை அனைத்துப்பணியாளர்களும் ஒட்டு மொத்த விடுப்பில்
செல்கிறோம்.

இம்மாவட்டத்தில் 170 சங்கங்களும் 500 பணியாளர்களும்
இப்போராட்டத்தில் கலந்து கொண்டுள்ளோம்.

சங்கங்களைக் காக்கும் நியாயமான கோரிக்கைகளுக்கு நல்ல தீர்வு காணும்
வரை போராட்டம் தொடரும். அடுத்தகட்ட போராட்டம் குறித்து மாநில தலைமை முடிவு
செய்யும் என கூறினார்.

ஊடகங்கள் மீதான பாரதிய ஜனதா கட்சியின் (BJP) அரசாங்கத்தின் புதிய தாக்குதலை இந்திய தேசிய வளர்ச்சி உள்ளடக்கிய கூட்டணி (இந்தியா) கட்சிகள் கடுமையாகக் கண்டிக்கின்றன. ஊடகங்கள் மற்றும் அரசியலமைப்புச் சட்டம் பாதுகாக்கப்பட்ட பேச்சு மற்றும் கருத்துச் சுதந்திரத்துக்காக நாங்கள் உறுதியாக நிற்கிறோம்.

கடந்த ஒன்பது ஆண்டுகளில், பிரிட்டிஷ் ஒலிபரப்புக் கழகம், நியூஸ் லாண்ட்ரி, டைனிக் பாஸ்கர், பாரத் சமாச்சார், காஷ்மீர் வாலா, தி வயர் போன்றவற்றை ஒடுக்க புலனாய்வு அமைப்புகளை நியமித்து ஊடகங்களை வேண்டுமென்றே அடக்கி ஒடுக்கியது பாஜக அரசு. NewsClick. பிஜேபி அரசாங்கம், ஊடக நிறுவனங்களை க்ரோனி முதலாளிகளால் கையகப்படுத்துவதன் மூலம் ஊடகங்களை தனது கட்சி மற்றும் கருத்தியல் நலன்களுக்கான ஊதுகுழலாக மாற்ற முயற்சிக்கிறது. அரசாங்கமும் அதன் கருத்தியல் ரீதியாக இணைந்த அமைப்புகளும் அதிகாரத்திற்கு உண்மையைப் பேசிய தனிப்பட்ட ஊடகவியலாளர்களுக்கு எதிராக பழிவாங்கும் நடவடிக்கைகளை மேற்கொண்டுள்ளன. மேலும், தகவல் தொழில்நுட்ப விதிகள் 2021 போன்ற பிற்போக்குத்தனமான கொள்கைகளையும் பாஜக அரசாங்கம் முன்னெடுத்துச் சென்றுள்ளது, இது ஊடகங்களை புறநிலையாக அறிக்கையிடுவதைக் கட்டுப்படுத்துகிறது. இப்படிச் செய்வதன் மூலம், பா.ஜ.க. தனது தவறுகளையும், கமிஷன் பாவங்களையும் இந்திய மக்களிடம் இருந்து மறைக்கவில்லை. முதிர்ச்சியடைந்த ஜனநாயக நாடாக இந்தியாவின் உலகளாவிய நிலைப்பாட்டை இது சமரசம் செய்கிறது.

பாஜக அரசாங்கத்தின் நிர்ப்பந்த நடவடிக்கைகள் எப்போதும் அதிகாரத்திற்கு எதிராக உண்மையைப் பேசும் ஊடக நிறுவனங்கள் மற்றும் பத்திரிகையாளர்கள் மீது மட்டுமே இயக்கப்படுகின்றன. முரண்பாடாக, தேசத்தில் வெறுப்பையும் பிரிவினையையும் தூண்டும் ஊடகவியலாளர்கள் மீது நடவடிக்கை எடுப்பதில் பாஜக அரசு முடங்கிக் கிடக்கிறது. தேசிய நலன் கருதி, தேசம் மற்றும் மக்கள் அக்கறையுள்ள உண்மையான பிரச்சினைகளில் கவனம் செலுத்துவதும், அதன் தோல்விகளில் இருந்து கவனத்தைத் திசைதிருப்ப ஊடகங்களைத் தாக்குவதை நிறுத்துவதும் பிஜேபி அரசுக்குத் தேவை.

ஜெய் ஹிந்த்.

எனது நாடாளுமன்றத் தொகுதியான கரூரில் உள்ள MGNREGA தளங்களுக்குச் சென்று தற்போது நடைபெற்று வரும் பணிகளை ஆய்வு செய்து வருகிறேன். எனது வருகைகளின் போது, அனைத்து MGNREGA ஊழியர்களுடனும் தொடர்பு கொள்ளும் வாய்ப்பு எனக்கு கிடைத்தது. கடந்த 8 வாரங்களாக ஊதியம் வழங்கப்படாததால் அவர்கள் பெரும் இன்னல்களை எதிர்கொள்வது எனது கவனத்திற்கு வந்துள்ளது. கிராமப்புறங்களில் ஏழ்மையான விவசாயப் பின்னணியில் இருந்து வந்த இந்தத் தொழிலாளர்கள், இந்தத் தொழிலை மட்டுமே நம்பி வாழ்கின்றனர்.

காங்கிரஸ் தலைமையிலான ஐக்கிய முற்போக்குக் கூட்டணி ஆட்சியின் போது சோனியா காந்தி மற்றும் பிரதமர் மன்மோகன் சிங் ஆகியோரின் வழிகாட்டுதலின் கீழ் தொடங்கப்பட்ட MGNREGA சட்டத்தின் நோக்கம் கிராமப்புற மக்களை ஆதரிப்பதே என்பது உங்களுக்கு நன்றாகத் தெரியும். சரியான நேரத்தில் ஊதியம் வழங்குவது மிகவும் முக்கியமானது. UPA ஆட்சியின் போது, வேலை செய்யும் இடத்தில் 15 நாட்களுக்கு ஒருமுறை ஊதியம் உடனடியாக வழங்கப்பட்டது, இதனால் தொழிலாளர்கள் உள்ளூர் சந்தைகளை அணுகவும் மளிகை பொருட்களை வாங்கவும் உதவியது.

தற்போதைய 8 வார தாமதம், குறிப்பாக கிராமப்புற குடும்பங்களில் உள்ள பெண்கள் மத்தியில் பெரும் துயரத்தை ஏற்படுத்தியுள்ளது. MGNREGA க்கான பட்ஜெட் ஒதுக்கீடு 60,000 கோடி ரூபாயாக குறைக்கப்பட்டுள்ளது, இது முந்தைய ஆண்டு ஒதுக்கீட்டை விட 18% குறைவாக உள்ளது என்பதையும் நான் முன்னிலைப்படுத்த விரும்புகிறேன். இது உண்மையான தேவையான 2,10,000 கோடியில் நான்கில் ஒரு பங்கு மட்டுமே. இந்த குறைப்பு ஊதியம் வழங்குவதில் தாமதத்திற்கு காரணமாக இருக்கலாம். ஊதியத்தை உடனடியாக வழங்கவும், ஒதுக்கீட்டை 2,10,000 கோடியாக உயர்த்தவும் பரிசீலிக்க உடனடியாக நடவடிக்கை எடுக்குமாறு அன்புடன் கேட்டுக்கொள்கிறேன்.

கொடுப்பனவுகளின் குறைப்பு கடுமையான வறுமை மற்றும் பசிக்கு வழிவகுக்கும், குறிப்பாக குழந்தைகள் மத்தியில். தற்போதைய ஆட்சியின் கீழ் 2014 ஆம் ஆண்டிலிருந்து கிட்டத்தட்ட 23 மில்லியன் மக்கள் வறுமைக் கோட்டின் கீழ் நழுவியுள்ளனர் என்பது வருத்தமளிக்கிறது. இத்தகைய சூழ்நிலையில் MGNREGA தொழிலாளர்களுக்கு 8 வாரங்களாக ஊதியம் வழங்கப்படாமல் இருப்பது அவர்களின் துயரத்தை அதிகப்படுத்துகிறது.

MGNREGA க்கு போதுமான நிதி ஒதுக்கப்படுவதையும், திட்டத்தின் வெற்றியை உறுதி செய்வதற்காக ஊதியங்கள் சரியான நேரத்தில் வழங்கப்படுவதையும் தயவுசெய்து உறுதி செய்யுமாறு கேட்டுக்கொள்கிறேன். மேலும், இத்திட்டம் நமது கிராமங்களில் உள்கட்டமைப்பை மேம்படுத்துவதில் முக்கியப் பங்காற்றுகிறது எனவே இப்பிரச்சினைக்கு முன்னுரிமை அளிக்குமாறு கேட்டுக்கொள்கிறேன்.
நன்றி.

இப்படிக்கு,
செ.ஜோதிமணி கருர் நாடாளுமன்ற உறுப்பினர்.

மதுரையில் மகாத்மா காந்தி சிலைக்கு அகில இந்திய மூவேந்தர் முன்னணி கழக மாநில தலைமை கழக செயலாளர் வேலுச்சாமி தலைமையில் மாலை அணிவித்து மரியாதை செலுத்தப்பட்டது.

மகாத்மா காந்தியின் பிறந்த நாளையொட்டி நாடு முழுவதும் அவரது சிலைக்கு மாலை அணிவித்தும் இனிப்புகளை வழங்கியும் கொண்டாடப்பட்டது

அந்த வகையில் மதுரை காந்தி மியூசியத்தில் உள்ள அவரது திருவுருவ சிலைக்கு அகில இந்திய மூவேந்தர் முன்னணி கழகம் சார்பாக மாநில தலைமை கழக செயலாளர் வேலுச்சாமி மாலை அணிவித்து மரியாதை செலுத்தினார்.

இந்நிகழ்வில் மாநில துணைத் தலைவர் முத்துராமலிங்கம் மற்றும் நாகராஜ் தேவர்,வைகை பத்மநாபன், சாலை பிரபாகரன், செல்வராஜ், ராமசாமி, முனியாண்டி, சேகர், பாலகிருஷ்ணன், வேல்முருகன் உள்பட நிர்வாகிகள் ஏராளமானோர் கலந்து கொண்டனர்

இளைஞர் குரல் செய்திகளுக்காக மதுரை செய்தியாளர் கனகராஜ்

காந்தி ஜெயந்தியை முன்னிட்டு மதுரை காந்தி மியூசியத்தில் உள்ள அவரது திருவருவச் சிலைக்கு விஜய் மக்கள் இயக்கம் வடக்கு மாவட்ட தொண்டரணி சார்பாக ஆனையூர் பாலாஜி தலைமையில் மாலை அணிவித்து மரியாதை செலுத்தப்பட்டது.

இந்நிகழ்வில் பொன்ராஜ், நேசம் முத்துப்பாண்டி, துரைசெந்தில், பிரகாஷ், லாரன்ஸ் உள்பட ஏராளமானோர் கலந்து கொண்டனர்.

மதுரையில் மகாத்மா காந்தி சிலைக்கு விஜய் மக்கள் இயக்கம் வடக்கு மாவட்டம் சார்பாக அதன் மாவட்ட தலைவர் விஜய் அன்பன் கல்லணை 200 க்கும் மேற்பட்ட நிர்வாகிகளுடன் சென்று மாலை அணிவித்து மரியாதை செலுத்தினார்.

நாட்டுக்காக அரும்பாடு பட்ட தலைவர்களின் தியாகத்தை நினைவு கூறும் வகையில் அவர்களின் பிறந்த நாள் அன்று அவர்களின் சிலைகளுக்கு மாலை அணிவித்து மரியாதை செலுத்த வேண்டும் என மக்கள் இயக்க நிர்வாகிகளுக்கு நடிகர் விஜய் உத்தரவிட்டிருந்தார்.

இந்நிலையில் காந்தி ஜெயந்தியை முன்னிட்டு முன்னிட்டு மதுரை காந்தி மியூசியத்தில் உள்ள மகாத்மா காந்தி சிலைக்கு விஜய் மக்கள் இயக்கத்தின் மதுரை வடக்கு மாவட்ட தலைவர் விஜய் அன்பன் கல்லணை நிர்வாகிகளுடன் சென்று மாலை அணிவித்து மரியாதை செலுத்தினார்.

மேலும் சுதந்திரப் போராட்ட தியாகிகளுக்கு பொன்னாடை மற்றும் நினைவு பரிசுகளை வழங்கி கௌரவித்தார்.

இந்நிகழ்வில் 200 க்கும் மேற்பட்ட நிர்வாகிகள் கலந்து கொண்டனர்.

இளைஞர் குரல் செய்திகளுக்காக மதுரை செய்தியாளர் கனகராஜ்…

நகராட்சி மாநகராட்சி சுகாதார செவிலியர்கள் சங்கத்தின் மாநில அளவிலான ஆலோசனைக் கூட்டம் மதுரை மேலப்பெருமாள் மேஸ்திரி வீதியில் உள்ள அரசு ஊழியர்கள் சங்க கட்டிடத்தில் மாநில தலைவர் பஞ்சவர்ணம் தலைமையில் நடைபெற்றது.

கார்த்திகா வள்ளி சாந்தி ஆகியோர் முன்னிலை வகித்தனர்.

தமிழ்நாடு நகராட்சி மாநகராட்சி அலுவலர்கள் மற்றும் பணியாளர் சங்க மாநிலத் தலைவர் முருகானந்தம் சிறப்புரையாற்றினார்.

இந்நிகழ்வில் மதுரை மாநகராட்சி பொறியியல் பிரிவு பணியாளர்கள் சங்க தலைவர் மகுடீஸ்வரன், கூட்டுறவு சங்கத் தலைவர் கே.கண்ணன், பொருளாளர் கே.டி. துணைக்கண்ணன், மாநில செயற்குழு உறுப்பினர் இ.ரா தமிழ், அரசு ஊழியர் சங்க மாவட்ட பொருளாளர் சந்திரபோஸ் உள்பட ஏராளமானோர் கலந்து கொண்டனர்.

நிகழ்ச்சியில் முடிவில் இந்திரா நன்றி கூறினார்.

இதுகுறித்து நகராட்சி மாநகராட்சி செவிலியர்கள் சங்க மாநிலத்தலைவர் பஞ்சவர்ணம் கூறுகையில் :-

தமிழ்நாடு நகராட்சி மாநகராட்சியில் பணிபுரியும் நகர சுகாதார செவிலியர்கள் மற்றும் பகுதி சுகாதார செவிலியர்களுக்கு பதவி உயர்வு வழங்க வேண்டும்.

கிராம சுகாதார செவிலியர்களுக்கு வழங்கப்படும் அரசாணையில் நகர சுகாதார செவிலியர்கள் மற்றும் பகுதி சுகாதார செவிலியர்களின் பெயர்களும் இடம்பெற்று ஒரே அரசாணையாக வழங்க வேண்டும்.

காலி பணியிடங்களை நிரப்ப வேண்டும் ‌மேலும் மக்கள் தொகைக்கு ஏற்ப புதிய பணியிடங்களை ஏற்படுத்த வேண்டும்.

மேலும் அவர் கூறுகையில், இந்த கோரிக்கைகளை வலியுறுத்தி அக்டோபர் 17 ஆம் தேதி உண்ணாவிரத போராட்டம் மற்றும் (15/11/2023) அன்று காத்திருப்பு போராட்டம் நடைபெறும் என கூறினார்.

இளைஞர் குரல் செய்திகளுக்காக மதுரை செய்தியாளர் கனகராஜ்…

டாக்டர் வி.பி.ஆர் செல்வகுமாருக்கு வாழ்நாள் சாதனையாளர் விருது வழங்கி கௌரவிக்கப்பட்டது.

மதுரை,அக்.01-

மதுரை காந்தி மியூசியத்தில் வலிமை டுடே பத்திரிகை மற்றும் தென் மாவட்ட திரைப்பட கலைஞர்கள் நலச்சங்கம் இணைந்து வழங்கிய ஸ்டார் சிங்கர் நிகழ்ச்சியில், தென் மாவட்ட திரைப்பட கலைஞர்கள் நலச் சங்கத்தின் தலைவர் டாக்டர் வி.பி.ஆர் செல்வகுமார் அவர்களுக்கு வாழ்நாள் சாதனையாளர் விருதை,ரமணா ஹோட்டல் உரிமையாளர் கோபாலகிருஷ்ணன், திரைப்பட நடிகர் மதுரை முத்து ஆகியோர் வழங்கி கௌரவித்தனர்.

உடன் நிகழ்ச்சி ஒருங்கிணைப்பாளர் புயல் பாஸ்கர் உள்ளார். இந்நிகழ்வில் டாக்டர் சின்னசாமி,மாஸ்.மணி உட்பட ஏராளமானோர் கலந்து கொண்டனர்.

இளைஞர் குரல் செய்திகளுக்காக மதுரை செய்தியாளர் கனகராஜ்