செய்திகள்

மதுரை மாநகர் மாவட்டம் 41 வது வார்டு பாரதிய ஜனதா கட்சி தலைவர் V.M.ரவிச்சந்திரபாண்டியன் தலைமையில் மாவட்ட கூட்டுறவு பிரிவு துணைத்தலைவர் மீசை முருகேசன் ஏற்பாட்டின் பேரில், மாநகர் மாவட்ட தலைவர் டாக்டர் சரவணன் முன்னிலையில். அதிமுகவை சேர்ந்த சுந்தரபாண்டி சுவாமி, பூத் கமிட்டி நிர்வாகி முருகன். மகளிரணி நிர்வாகி விஜயலட்சுமி, மாஸ்டர் முருகன், சின்னகாதியானூர் கமல் முருகன், மோகன், தசானம். தெய்வகன்னி தெரு சுந்தரபாண்டி, மலைச்சாமி, தங்கபாண்டி, கிளிராஜா, பாபு நகரை சேர்ந்த திமுக பிரமுகர்கள் ஹரிராம் . வெங்கடேஸ் உள்பட பலர் பாரதிய ஜனதா கட்சியில் இணைந்தனர்.

இந்நிகழ்வில் மாவட்ட வர்த்தக அணி செயலாளர் கோபாலகிருஷ்ணன், மீனவர் அணி துணைத் தலைவர் கார்த்திக் ராஜா, மண்டல் பொதுச்செயலாளர் ராம்தாஸ், செயலாளர் முருகன், துணைத்தலைவர்கள் ராஜசேகரன், ராஜீவ் காந்தி, கூட்டுறவு பிரிவு மண்டல் தலைவர் மகேசுவரன், செயலாளர் ராமராஜ், கிளைத்தலைவர்கள் இளங்கோவன், கார்த்திக், பன்னீர்செல்வம், திரவியம் உள்பட பலர் கலந்து கொண்டனர்..

மதுரை மாவட்ட செய்தியாளர் கனகராஜ்

வைகை அணை முழு கொள்ளளவை எட்டியுள்ளதை யொட்டி மூன்றாம் எச்சரிக்கை விடப்பட்டு அணைக்கு வரும் நீர் அனைத்தும் வைகை ஆற்றில் திறந்து விடப்படுகிறது.

இதனால் வெள்ளப்பெருக்கு ஏற்பட்டுள்ளது. ஆற்றில் யாரும் இறங்க வேண்டாம் என காவல்துறையினர் எச்சரித்துள்ளனர்.

இந்நிலையில் மதுரை மாவட்டம் திருமங்கலம் தாலுகா கரடிக்கல் அருகே அனுப்பப்பட்டி பகுதியை சேர்ந்த வினோத்குமார், அன்பரசன் ஆகியோர் தனது நண்பர்கள் நான்கு பேருடன் சோழவந்தான் அருகே திருவேடகம் பகுதி வைகையாற்றில் 6 பேரும் குளித்து கொண்டிருந்தனர்.

அப்போது ஆற்று நீர்சுழலில் சிக்கிய ராணுவ வீரர் வினோத்குமார் மற்றும் அன்பரசன் ஆகிய இருவர் தண்ணீரில் மூழ்கினர்.

தகவலறிந்து விரைந்து வந்த சோழவந்தான் காவல்துறையினர், மற்றும் தீயணைப்புத்துறையினர் மாயமானவர்களை தீவிரமாக தேடும் பணியில் ஈடுபட்டனர்.
நீண்ட நேரத்திற்கு பின் மேலக்கால் பகுதி வைகை ஆற்றுப்பாலம் அருகே அன்பரசனின் உடல் மட்டும் உயிரிழந்த நிலையில் தீயணைப்புதுறையினர் மீட்டனர். மேலும் ராணுவ வீரர் வினோத்குமாரின் உடலை தீவிரமாக தேடி வருகின்றனர்.

மதுரை மாவட்ட செய்தியாளர் கனகராஜ்

தேமுதிக மதுரை மாநகர் வடக்கு மாவட்டத்திற்கு உட்பட்ட பகுதிகளில் வரும் (13/08/2022) சனிக்கிழமை அன்று கள ஆய்வு நடைபெற உள்ளது என மாநகர் தேமுதிக மாநகர் வடக்கு மாவட்ட கழக செயலாளர் அறிக்கை வெளியிட்டுள்ளார். இதுகுறித்து அவர் கூறியுள்ளதாவது:-

இதய தெய்வம் கேப்டன்- அவர்களின் ஆணைக்கிணங்க கழக பொருளாளர், அண்ணியார் அவர்களின் ஆலோசனைப்படி, மாநில கழக துணை செயலாளரும், கழக அமைப்பு தேர்தல்- மண்டல பொறுப்பாளருமான பார்த்தசாரதி மற்றும் மாநில பொறியாளர் அணி துணை செயலாளரும், கழக அமைப்பு தேர்தல்- மாவட்ட பொறுப்பாளருமான கே.கே.கிருஷ்ணன் மற்றும்

மதுரை மாநகர் வடக்கு மாவட்ட கழக செயலாளர் வி.பி.ஆர்.செல்வகுமாராகிய நான் மதுரை மாநகர் வடக்கு மாவட்டத்திற்கு உட்பட்ட 5 பகுதி கழகங்கள், 39வட்ட கழகங்களில் வருகின்ற 13/08/2022 (சனிக்கிழமை) அன்று நேரடி கள ஆய்வு நடத்த உள்ளோம்.

எனவே மதுரை மாநகர் வடக்கு மாவட்டத்திற்குட்பட்ட 5பகுதி கழக செயலாளர்கள் மற்றும் 39 வட்டக்கழக செயலாளர்கள் உள்ளிட்டோர் கழக அமைப்பு தேர்தல் (உட்கட்சி தேர்தல்) தொடர்பான அனைத்து பணிகளையும் அடுத்த 3நாட்களுக்குள் விரைவாக முடித்து, அதற்கான பூர்த்தி செய்யப்பட்ட அனைத்து படிவங்கள் மற்றும் ஆவணங்க ளையும் வருகின்ற 11/08/2022 (வியாழக்கிழமை) மாலை 7 மணிக்குள் என்னிடம் வழங்குமாறு அனைவரையும் அன்புடன் கேட்டுக்கொள்கிறேன். என கூறியுள்ளார்.

மதுரை மாவட்ட செய்தியாளர் கனகராஜ்

மதுரை எஸ்.எஸ்.காலனியில் தவத்திரு சுவாமி சதா சிவானந்தா அவர்கள் சமாதி நிலை அடைந்து 13 வது நாள் வழிபாடு விழாவை முன்னிட்டு யதி பூஜை நிகழ்ச்சி நடைபெற்றது.

இந்நிகழ்வின் போது திருக்குற்றாலம் சுவாமி அகிலானந்தா, சின்னமனூர் சுவாமி முத்தானந்தா, சங்கரன்கோவில் சுவாமி ராகவானந்தா, திண்டுக்கல்லை சேர்ந்த சுவாமி ஞானசிவானாந்தா, சுவாமி மகேஷ்வரனந்தா மற்றும் சின்மயா மிஷன் சுவாமி சிவயோகானந்தா உள்பட 15 சுவாமிகளுக்கு யதி பூஜை வழிபாடு செய்யப்பட்டது.

சுவாமி சதா சிவானந்தா அவர்களின் திருவுருவப்படத்திற்கு சட்டமன்ற எதிர்க்கட்சித் துணைத் தலைவரும், முன்னாள் வருவாய்த்துறை அமைச்சருமான ஆர்.பி.உதயகுமார், இந்து மக்கள் கட்சி மாநிலத்தலைவர் அர்ஜுன் சம்பத், அகில இந்திய பார்வர்ட் பிளாக் மாநில பொதுச் செயலாளர் பி.வி கதிரவன், தென்னிந்திய பார்வர்ட் பிளாக் நிறுவனத்தலைவர் திருமாறன் ஜி, அட்சய பாத்திரம் டிரஸ்ட் சேர்மன் நெல்லை பாலு, திராவிடர் கழகம் மாவட்ட செயலாளர் வரதராஜன், திருவருட் பேரவை பாதர் பெனிடிக் பர்னாஷ் உள்ளிட்டோர் மலர் தூவி மரியாதை செலுத்தினர்.

நிகழ்ச்சிக்கான ஏற்பாடுகளை சுவாமி விவேகானந்தா சேவா ஆசிரமம் மதிவாணன், எம்.பி.ராமன், சூர்யாநகர் செந்தில், ரகுராஜ‌ன், விஸ்வநாதன்,பாண்டி குமார், சின்னன், மூர்த்தி, பேராசிரியர் செந்தில், ரஞ்சித்குமார் ஆகியோர் சிறப்பாக செய்திருந்தனர்.

இதில் பிரசிடெண்ட் கிளப் சார்பாக எம்.பி.லட்சுமணன், அகில இந்திய பார்வர்ட் பிளாக் வடிவேலு, நாகராஜன், பிரபாகரன், வடக்கம்பட்டி பாண்டி மற்றும் திருச்சி சதுரகிரி, சென்னை ஜி.கே.ஆர் கணேசன், உடுமலைப்பேட்டையை சேர்ந்த மாணிக்கவேல், ஜெயக்குமார், தியாகராஜன் மற்றும் பெரம்பலூர் வைத்தியர் வரதராஜன், மெக்கானிக் கென்னடி, டிரைவர் முத்துச்செல்வம், தேசிய சமூக சேவை அறக்கட்டளை அமைப்பாளர் எஸ்.ரவி, தினகரன் ஜெய் உள்பட ஏராளமானோர் கலந்து கொண்டனர்.

மதுரை மாவட்ட செய்தியாளர் கனகராஜ்

மதுரையில் தமிழ்நாடு அரசு கூட்டுறவுத்துறை ஊழியர் சங்கத்தின் 34_வது அமைப்பு தின விழா சங்க தலைவர் சந்திரபோஸ் தலைமையில் நடைபெற்றது.

இவ்விழாவில் தமிழ்நாடு அரசு ஊழியர் சங்கத்தின் தெற்கு வட்டக் கிளையின் செயலாளர் பழனிவேல் கலந்துகொண்டு வாழ்த்துரை வழங்கினார். தமிழ்நாடு அரசு ஊழியர் சங்கத்தின் இணைச் செயலாளர் பரமசிவன் தமிழ்நாடு அரசு ஊழியர் சங்க கொடியை ஏற்றி வைத்து வாழ்த்துரை வழங்கினர்.

முன்னதாக தமிழ்நாடு அரசு கூட்டுறவுத்துறை ஊழியர் சங்கத்தின் மாவட்ட செயலாளர் சீனியப்பா கூட்டுறவுத்துறை ஊழியர் சங்க கொடியை ஏற்றி வைத்து இந்த கூட்டுறவு துறை ஊழியர் சங்கத்தின் செயல்பாடுகள் குறித்து உறுப்பினர்களுக்கு விளக்க உரை நிகழ்த்தினார்.

சங்க மாநில செயலாளர் நவநீதகிருஷ்ணன் அகில இந்திய அரசு ஊழியர் சங்கத்தின் கொடியை ஏற்றி வைத்து சங்கத்தின் உறுப்பினர்களுக்கு அமைப்பு தின விழா வாழ்த்துரை நிகழ்த்தினார். இறுதியாக சங்க பொருளாளர் மணிகண்டன் நன்றியுரை தெரிவித்தார்.

மதுரை மாவட்ட செய்தியாளர் கனகராஜ்

தேமுதிக நிறுவன தலைவர் கேப்டன்- பொருளாளர் பிரேமலதா அவர்களின் நல்லாசியுடன் மதுரை மாநகர் வடக்கு மாவட்டம்- தெப்பக்குளம் பகுதிக்குட்பட்ட 46வது வட்டக்கழக செயலாளர், நாகராஜன் இல்ல விழா மதுரை கீரைத்துறையில் நடைபெற்றது.

இவ்விழாவிற்கு மாநகர் வடக்கு மாவட்ட கழக செயலாளர் வி.பி.ஆர் செல்வகுமார் அவர்கள் தலைமை வகித்தார்.

இந்நிகழ்வில் மாவட்ட கழக துணைச்செயலாளர் பா.மானகிரியார், தலைமை பொதுக்குழு உறுப்பினர், சின்னச்சாமி, மாவட்ட செயல்வீரர், ரமேஷ்பாபு, பகுதி கழக செயலாளர்கள் கோல்டு முருகன், கோவிந்தராஜ், தெய்வேந்திரன், மேலமடை ஐயப்பன், கேப்டன் மன்றம் சுரேஷ், மாவட்ட மாணவரணி செயலாளர், காளீஸ்வரன், நெசவாளர் அணி பிரகாஷ், பகுதி கழக நிர்வாகிகள் செல்வம், கவிஞர் மணிகண்டன், ராஜ்குமார், வட்டக்கழக செயலாளர்கள் நல்லமருது, சைவம், ஆறுமுகம் மற்றும் 46 வது வட்டக்கழக அவைத்தலைவர் ஏ.எஸ்.குருநாதன், பொருளாளர் வேல்முருகன், கீரைத்துறை வட்டக்கழக துணைச்செயலாளர் முத்துமணி, பகுதி பிரதிநிதி முரசு அழகர் உள்பட கழக நிர்வாகிகள் ஏராளமானோர் கலந்து கொண்டு சிறப்பித்தனர்.

மதுரை மாவட்ட செய்தியாளர் கனகராஜ்

மதுரை வைகை லயன்ஸ் சங்கம் மற்றும் மதுரை ஆயுஷ்யம் வர்மா யோகா மையமும் இணைந்து நடத்திய இலவச யோகா பயிற்சி வகுப்புகள் மதுரை திருப்பாலை மெயின் ரோட்டில் உள்ள வைகை ஹாலில் நடைபெற்றது.

இந்நிகழ்வில் ஆயுஷ்யம் வர்ம யோகா சென்டர் நிர்வாக இயக்குனர் மருத்துவர் ஆர்த்தி, மருத்துவர் பாலாஜி, ஒருங்கிணைப்பாளர் விஜய் மற்றும் கவுன்சில் பொருளாளர் மணிகண்டன், டாக்டர் லட்சுமி நாராயணன், தமிழ்நாடு யோகா ஸ்போர்ட்ஸ் செயலாளர் சுந்தர், லயன்ஸ் கிளப் தலைவர் ஜேசுதாஸ், செயலாளர் மலைராஜன், பொருளாளர் சண்முகசுந்தரம் உள்பட ஏராளமானோர் கலந்து கொண்டனர்.

மதுரை செய்தியாளர் கனகராஜ்

வத்தலக்குண்டு காளியம்மன் கோவில் அருகில் சோனியா காந்தி மற்றும் ராகுல் காந்தி மீது ஹெரால்டு வழக்கை கண்டித்தும். பெட்ரோலிய பொருட்களின் விலை உயர்வை கண்டித்தும் வத்தலக்குண்டு வட்டார இந்திய தேசிய காங்கிரஸ் கட்சியின் சார்பாக வட்டார காங்கிரஸ் கமிட்டி தலைவர் காமாட்சி தலைமையில், நகர தலைவர் அப்துல் அஜீஸ்,கோபால் மாநில செயற்குழு உறுப்பினர் அஜீஸ் மாநில மகிளா காங்கிரஸ் செயலாளர் திருமதி ஸ்டெல்லா அவர்கள் முன்னிலையில் நடைபெற்ற கண்டன ஆர்ப்பாட்டம் நடைபெற்றது.

இந்நிகழ்வில் பட்டிவீரன்பட்டி நகரத் தலைவர் பிரசன்னா, பெரியதம்பி, மகாதேவன் சேவுகம்பட்டி காங்கிரஸ்கமிட்டி தலைவர் நாகராஜ், வட்டார பொது செயலாளர் பாஸ்கரன், வட்டார அவைத் தலைவர் ராஜா.செயலாளர் கணேசன் பழனி முத்து மற்றும் காங்கிரஸ் தொண்டர்கள் ஏராளமானோர் கலந்து கொண்டனர்.

மோடி கபடி லீக் தமிழகம் முழுவதும் செப்டம்பர் 17ஆம் தேதி முதல் 30 ஆம் தேதி வரையும், மதுரையில் மூன்று நாட்கள் நடைபெற உள்ளதாகவும் பாஜக இளைஞர் மேம்பாட்டு மற்றும் விளையாட்டு பிரிவு மாநில தலைவர் அமர் பிரசாத் ரெட்டி மற்றும் மதுரை மாவட்ட தலைவர் டாக்டர் சரவணன் ஆகியோர் தெரிவித்தனர்.

இதுகுறித்து செய்தியாளர்களை சந்தித்து அவர்கள் கூறுகையில், பாரதப் பிரதமர் நரேந்திர மோடி கபடி லீக் சார்பாக செப்டம்பர் 17ஆம் தேதி ஆரம்பித்து 30 ஆம் தேதி வரை தமிழகம் முழுவதும் அனைத்து மாவட்டங்களிலும் நடக்க உள்ளது.

மதுரை பெரியார் பேருந்து நிலையம் அருகே உள்ள மதுரா கல்லூரி மைதானத்தில் செப்டம்பர் 28 ஆம் தேதி முதல் 30-ஆம் தேதி வரை மூன்று நாள் கபடி போட்டி நடக்க உள்ளது.

இவ்விழாவில் சிறப்பு அழைப்பாளர்களாக மூன்று மத்திய அமைச்சர்கள், பாஜக மாநில தலைவர் அண்ணாமலை ஆகியோர் கலந்து கொள்ள உள்ளனர்.

போட்டியில் வெற்றி பெறுபவர்களுக்கு முதல் பரிசாக 15 லட்சம், இரண்டாவது பரிசாக 10 லட்சம், மூன்றாவது பரிசாக இரண்டு பேருக்கு தலா 5 லட்சம் வழங்க உள்ளோம் எனக் கூறினார்.

இந்த பேட்டியின் போது மாவட்டத் துணைத் தலைவர்கள் ஜெயவேல், சத்தியம் செந்தில்குமார், பழனிவேல், இளைஞர் மேம்பாட்டு மற்றும் விளையாட்டு பிரிவு மாவட்டத் தலைவர் செந்தில்குமார், மாவட்ட பொதுச் செயலாளர்கள் வினோத்குமார், ஜோதிமணி வண்ணன், பாலமுருகன், இளைஞரணி மாவட்ட தலைவர் டாக்டர் கோகுல் அஜித், வர்த்தக பிரிவு மாவட்டத் தலைவர் வடமலையான், மீனவரணி மாவட்ட தலைவர் இளங்கோ, ஊடக பிரிவு மாவட்டத் தலைவர் சங்கர்லால், மகளிரணி மாவட்ட தலைவி ஓம்சக்தி.தனலட்சுமி, மாநில செயற்குழு உறுப்பினர் பாரி ஜெயவேல், மாவட்ட செயற்குழு உறுப்பினர் செல்லப்பாண்டி ஆகியோர் உடன் இருந்தனர்.

மதுரை செய்தியாளர் கனகராஜ்

நேஷனல் ஹெரால்டு விவகாரம் தொடர்பாக டெல்லியில் செய்தியாளர்களை சந்தித்த ராகுல் காந்தி, பிதமர் நரேந்திர மோடியைக் கண்டு நாங்கள் பயப்படவில்லை. அவர்கள் என்ன வேண்டுமானாலும் செய்யலாம்.

நாட்டையும், ஜனநாயகத்தையும் பாதுகாக்கவும், நாட்டில் நல்லிணக்கத்தைப் பேணவும் நான் தொடர்ந்து பாடுபடுவேன். அவர்கள் என்ன செய்தாலும் எனது பணியைத் தொடர்ந்து செய்வேன். எங்கள் மீது அழுத்தம் கொடுப்பதன் மூலம் எங்களை அடக்கிவிட முடியும் என்று பாஜக அரசு நினைக்கிறது. ஆனால் நாங்கள் அமைதியாக இருக்க மாட்டோம். நரேந்திர மோடியும், அமித்ஷாவும் இந்த நாட்டிற்காக என்ன செய்கிறார்கள். ஜனநாயகத்துக்கு எதிராக அவர்கள் என்ன செய்தாலும் நாங்கள் அதற்கு எதிராக நிற்போம்.” இவ்வாறு அவர் கூறினார்.

முன்னதாக, நேஷனல் ஹெரால்டு பத்திரிகையை, காங்கிரஸ் தலைவர் சோனியா, அவருடைய மகன் ராகுல் உள்ளிட்டோர் இயக்குனர்களாக உள்ள, ‘யங் இந்தியா’ நிறுவனம் விலைக்கு வாங்கியது. இதில் மோசடி நடந்து உள்ளதாக, பா.ஜ., மூத்த தலைவர் சுப்ரமணியசாமி, 2013ல் வழக்கு தொடர்ந்தார்.

இதில் நடந்துள்ள பண மோசடி தொடர்பாக, அமலாக்கத் துறை கடந்தாண்டு இறுதியில் வழக்குப் பதிவு செய்தது. காங்கிரஸ் மூத்த தலைவர்கள் மல்லிகார்ஜுன கார்கே, பவன் பன்சால் ஆகியோரிடம், ஏற்கனவே விசாரணை நடந்தது. இதைத்தொடர்ந்து  காங்கிரஸ் தலைவர் சோனியா காந்தி, எம்.பி. ராகுல் காந்தி ஆகியோரிடமும் அமலாக்கத் துறை விசாரித்துள்ளது. இதை எதிர்த்து நாடு முழுதும் காங்கிரஸ் போராட்டம் நடத்தியது.

பின்னர் டெல்லி ஐ.டி.ஓ.,வில் அமைந்திருக்கும் நேஷனல் ஹெரால்டு அலுவலகம் மற்றும் அதனுடன் தொடர்புடைய 12 இடங்களில் அமலாக்கத்துறையினர் சோதனை நடத்தினர். இந்த பரபரப்பு அடங்குவதற்குள், இன்று(ஆக.3) நேஷனல் ஹெரால்டு கட்டடத்தில் செயல்படும் யங் இந்தியா அலுவலகத்திற்கு அமலாக்கத்துறை அதிகாரிகள் சீல் வைத்து நோட்டீஸ் ஒட்டினர். மேலும், தங்களின் அனுமதியின்றி அலுவலகத்தை திறக்கக்கூடாது எனவும் அவர்கள் உத்தரவிட்டுள்ளனர். அமலாக்கத்துறையின் இந்த நடவடிக்கை பழிவாங்கும் செயல் என காங்கிரஸ் கட்சியினர் தொடர்ந்து கூறி வருகின்றனர்.