செய்திகள்

மதுரை மாவட்டம் பேரையூர் வட்டம் மல்லப்புரம் ஊராட்சி அய்யனார்குளம் அணையை தூர்வார கோரியும், மதகுகள் மற்றும் கால்வாய்களை சரி செய்யக்கோரி அப்துல்கலாம் அறிவியல் விவசாய சங்க மாநில தலைவர் ஆபேல் மூர்த்தி தலைமையில் உசிலம்பட்டி செயற்பொறியாளர் அவர்களை நேரில் சந்தித்து மனு வழங்கப்பட்டது.

இதில் பேரையூர் தாலுகா தலைவர் கண்ணன் மற்றும் விவசாய சங்க நிர்வாகிகள் பலர் கலந்து கொண்டனர்.

மறைந்த புரட்சிகலைஞர் கேப்டன் விஜயகாந்த் அவர்களின் மறைவையொட்டி, மதுரை அரசரடி சோலைமலை தியேட்டர் அருகே உள்ள தென் மாவட்ட திரைப்பட கலைஞர்கள் நலச்சங்க அலுவலகத்தில் மெழுகுவர்த்தி ஏந்தி நடிகர்,நடிகைகள் மௌன அஞ்சலி செலுத்தினர்.

மேலும் அவரது ஆத்மா சாந்தியடைய இறைவனிடம் பிரார்த்தனை செய்தனர்.

இந்நிகழ்வில் சங்கத்தலைவர் டாக்டர் வி.பி.ஆர். செல்வகுமார், பொதுச்செயலாளர் மாஸ்.மணி, இணைத்தலைவர் சோமசுந்தரம், இணைச்செயலாளர் கனரா சோனி, செயற்குழு உறுப்பினர்கள் டாக்டர் சின்னச்சாமி, டாக்டர் மலர்விழி,செல்வம் மற்றும் கார்த்திக்குமார், பொன்னுப்பாண்டி, அசோக், பாண்டியம்மாள், வசந்தி, ஸ்ரீ விசாலி உள்பட நடிகர், நடிகைகள் ஏராளமானோர் கலந்து கொண்டனர்.

ரேஷன் கடைகளில் தேங்காய் எண்ணெய் வழங்க கோரி பாஜக விவசாய அணியினர் ஆர்ப்பாட்டம்

சென்னை, டிசம்பர்.28-

தென்னை விவசாயிகளின் வாழ்வாதாரத்தை உயர்த்தும் வகையில், ரேஷன் கடைகளில் பாமாயிலுக்கு பதிலாக தேங்காய் எண்ணெயை வழங்க கோரி பாஜக விவசாய அணி சார்பாக தமிழகம் முழுவதும் ஆர்ப்பாட்டத்தில் ஈடுபட்டனர்.

அந்த வகையில் சென்னை மாவட்ட ஆட்சியர் அலுவலகம் முன்பு நடந்த ஆர்ப்பாட்டத்திற்கு விவசாய அணி மாநில துணைத்தலைவர் வளசை முத்துராமன் ஜி தலைமையில் நடைபெற்றது.

பாஜக மாநில துணைத்தலைவர் கரு.நாகராஜன், விவசாய அணி மாநிலச் செயலாளர் ராமலிங்கம் மற்றும் மாவட்ட,மண்டல் தலைவர்கள், நிர்வாகிகள் உள்பட 200 க்கும் மேற்பட்டோர் கலந்து கொண்டனர்.

இதுகுறித்து வளசை முத்துராமன் ஜி செய்தியாளர்களிடம் கூறுகையில், நம்பர் 1 இல் இருந்த கேரளாவை மூன்ற இடத்துக்கு தள்ளிவிட்டு தேங்காய் உற்பத்தியில் தமிழ்நாடு முதலிடத்தில் உள்ளது ஆனா கேரளாவில் மட்டையுடன் கூடிய தேங்காயையும் கொப்பரையும் சேர்த்து கேரளா அரசே கொள்முதல் செய்து விற்பனை செய்து வருகிறார்கள்

தமிழ்நாட்டு விவசாயிகளின் வாழ்வாதாரமாக தென்னை மரம் விளங்குவதால் மத்திய அரசு சார்பில் தேசிய வேளாண் கூட்டுறவு விற்பனை
கடைகள் மூலமாக ஒரு கிலோ ரூ.108.60-க்கு கொப்பரை கொள்முதல் செய்கிறது. அந்தவகையில், தற்போதுள்ள கொப்பரை தேங்காய்களை விற்க வேண்டிய கட்டாயத்தில் தேசிய வேளாண் கூட்டுறவு விற்பனை கூட்டமைப்பு உள்ளது.

எனவே, தமிழக அரசு தேர்தல் வாக்குறுதியாக 66 இல் அளித்த வாக்குறுதிப்படி தேங்காய் கொப்பரைகளை கொள்முதல் செய்து, கூட்டுறவு சங்கங்கள் மூலமாக தேங்காய் எண்ணையாக மாற்றி பாமாயிலுக்கு பதிலாக
தேங்காய் எண்ணெயை 32,000 ரேஷன் கடைகளில் விற்பனை செய்ய வேண்டும் என கூறினார்.

சாலையோரமாக வசிக்கும் ஆதரவற்ற முதியோர்களுக்கு உணவு வழங்கிய கல்கி பவுண்டேஷன் டிரஸ்ட் நிறுவனர் அங்குலட்சுமி

மதுரை, டிசம்பர்.28-

மதுரை அரசரடி காளவாசல் பகுதிகளில் சாலையோரமாக வசிக்கும் ஆதரவற்றோர்களுக்கு கல்கி பவுண்டேஷன் டிரஸ்ட் நிறுவனத் தலைவர் அங்குலட்சுமி மதிய உணவு வழங்கினார்.

மேலும் உங்களுக்கு வேறு என்ன உதவி தேவைப்படுகிறது எனவும், ஏன் இப்படி சாலை ஓரமாக தங்கி உள்ளீர்கள். முதியோர் இல்லத்தில் சேர்த்து விடவா எனவும், வேறு எந்த உதவி தேவைப்பட்டாலும் என்னிடம் கேளுங்கள் உடனடியாக செய்து தருகிறேன் என பேசினார்.

உணவு கொடுத்தது மட்டும் இன்றி அன்புடன் பேசிய சமூக சேவகி அங்குலட்சுமியை ஆதரவற்ற முதியோர்கள் கையெடுத்து கும்பிட்டனர். இது பெரும் நிகழ்ச்சியை ஏற்படுத்தியது.

தமிழக திரைப்படத் துணை நடிகர், நடிகைகள் & திரைப்பட உதவியாளர் நலச்சங்கம் மற்றும் சென்னை கூத்துப்பட்டறை இணைந்து திரைப்பட நடிகர்களுக்கு பயிற்சி பட்டறை திருவண்ணாமலை காஞ்சி முருகன் கோவில் அருகில் நடைபெற்றது.

மேலும் சமீபத்தில் காலமான காமெடி நடிகர் போண்டாமணி அவர்களுக்கு மவுன அஞ்சலி செலுத்தப்பட்டது.

இவ்விழாவிற்கு மாவட்ட தலைவர் சென்னகிருஷ்ணன் தலைமை வகித்தார். இதில் மாநிலத் தலைவர் பன்னீர்செல்வம் கலந்துகொண்டு சிறப்புரையாற்றினார்.

தமிழ்நாடு நாடகம் மற்றும் நாட்டுப்புற கலைஞர்கள் சங்க மாநிலத் தலைவர் தங்கவேல் மற்றும் பொதுச்செயலாளர் வடுகப்பட்டி எம்.செல்வம், திரைப்பட நடிகர் பயிற்சியாளர் லதா, சென்னை கூத்துப்பட்டறை நிறுவனர் முத்துச்சாமி ஆகியோர் சான்றிதழை வழங்கினர்.

தமிழக திரைப்படத் துணை நடிகர், நடிகைகள் & திரைப்பட உதவியாளர் நலச்சங்கம் மற்றும் சென்னை கூத்துப்பட்டறை இணைந்து திரைப்பட நடிகர்களுக்கு பயிற்சி பட்டறை திருவண்ணாமலை காஞ்சி முருகன் கோவில் அருகில் நடைபெற்றது.

மேலும் சமீபத்ம்மதில் காலமான காமெடி நடிகர் போண்டாமணி அவர்களுக்கு மவுன அஞ்சலி செலுத்தப்பட்டது.

இவ்விழாவிற்கு மாவட்ட தலைவர் சென்னகிருஷ்ணன் தலைமை வகித்தார். இதில் மாநிலத் தலைவர் பன்னீர்செல்வம் கலந்துகொண்டு சிறப்புரையாற்றினார்.

தமிழ்நாடு நாடகம் மற்றும் நாட்டுப்புற கலைஞர்கள் சங்க மாநிலத் தலைவர் தங்கவேல் மற்றும் பொதுச்செயலாளர் வடுகப்பட்டி எம்.செல்வம், திரைப்பட நடிகர் பயிற்சியாளர் லதா, சென்னை கூத்துப்பட்டறை நிறுவனர் முத்துச்சாமி ஆகியோர் சான்றிதழை வழங்கினர்.

மதுரை மாவட்டம் டி.கல்லுப்பட்டி பகுதியில் அப்துல்கலாம் அறிவியல் விவசாய சங்கத்தின் விவசாயிகள் கலந்தாய்வு கூட்டம் பேரையூர் தாலுகா தலைவர் முன்னாள் ராணுவ வீரர் கண்ணன் தலைமையில் நடைபெற்றது.

நிகழ்வில் மாநில தலைவர் ஆபேல் மூர்த்தி கலந்து கொண்டு விவசாயிகளுக்கு விழிப்புணர்வு ஏற்படுத்தும் விதமாக சிறப்புரை ஆற்றினார்.

மேலும் இந்நிகழ்வின் போது விவசாயத்தை தரமான விதைகளை கொண்டு முறையாக விவசாயம் செய்வோம். தீய பழக்கங்களான மது போதைக்கு அடிமையாக மாட்டோம் என விவசாயிகள் உறுதிமொழி எடுத்துக் கொண்டனர்.

தென்னை விவசாயிகளின் வாழ்வாதாரத்தை உயர்த்தும் வகையில், ரேஷன் கடைகளில் பாமாயிலுக்கு பதிலாக தேங்காய் எண்ணெயை வழங்க கோரி பாஜக விவசாய அணி மதுரை மாநகர் தலைவர் துரைபாஸ்கர், மேற்கு மாவட்ட தலைவர் சி.ரத்தினசாமி, கிழக்கு மாவட்ட தலைவர் பூமிராஜன் ஆகியோர் ஏற்பாட்டில் மதுரை புதூர் பேருந்து நிலையம் எதிரே கவன ஈர்ப்பு ஆர்ப்பாட்டம் நடைபெற்றது.

இந்நிகழ்விற்கு மாநில செயற்குழு உறுப்பினர் மு.மு.க. செந்தூர்பாண்டியன் தலைமை வகித்தார்.

இந்நிகழ்வில் மாநகர், கிழக்கு, மேற்கு விவசாய அணி நிர்வாகிகள் மற்றும் பாஜக நிர்வாகிகள் ஏராளமானோர் கலந்து கொண்டனர்.

இந்திய சிலம்பம் அறக்கட்டளை மற்றும் வேல்டு ஸ்டார் புக் ஆஃப் ரெக்கார்டு இணைந்து உலக சாதனை முயற்சி

மதுரை,டிச.27-

இந்திய சிலம்பம் அறக்கட்டளை மற்றும் வேல்டு ஸ்டார் புக் ஆஃப் ரெக்கார்டு இணைந்து நடத்திய பெண்கள் மற்றும் பெண் குழந்தைகள் பாதுகாப்பு குறித்து விழிப்புணர்வு ஏற்படுத்தும் விதமாக கண்களை கட்டிக்கொண்டு ஒரு மணி நேரம் இடைவிடாமல் தொடர்ந்து சிலம்பம் சுழற்றும் உலக சாதனை முயற்சி மதுரை எஸ்.எஸ்.காலனியில்
நடைபெற்றது.

இந்நிகழ்விற்கு இந்திய சிலம்பம் அறக்கட்டளை நிறுவனர் டாக்டர் ரா.சரவணபாண்டி, ஒருங்கிணைப்பாளர் கார்த்திக் மற்றும் துணை ஒருங்கிணைப்பாளர் கார்த்திக் பிரபு ஆகியோர் தலைமை வகித்தனர்.

சிறப்பு அழைப்பாளர்களாக மக்கள் சட்ட உரிமைகள் கழக நிறுவனத் தலைவர் ஜெயபாலன் மற்றும் சமூக சேவகர் பாலாஜி வானவில் பைன் ஆர்ட்ஸ் நிறுவனர் வெங்கடேசன் ஆகியோர் கலந்து கொண்டு உலக சாதனை படைத்த மாணவ மாணவிகளுக்கு வெற்றி பெற்றதற்கான சான்றிதழை வழங்கி பாராட்டினார்கள்.

இதில் மக்கள் சட்ட உரிமைகள் கழகம் மாநில துணைத்தலைவர் சோலைமலை மற்றும் மாணவர்களின் பெற்றோர்கள் கலந்து கொண்டனர்.

அகில பாரத ஐயப்பா சேவா சங்கம் சார்பாக மதுரை ராமராயர் மண்டபம் கிளை சார்பாக 12 ஆம் ஆண்டு மண்டல பூஜையை முன்னிட்டு மாபெரும் சிறப்பு அன்னதானம் நடைபெற்றது.

முன்னதாக அன்று காலை சிறப்பு தீபராதனை,பஜனை மற்றும் பூஜைகள் நடைபெற்றது.

இந்நிகழ்வில் குருநாதர் மலைராஜன், சுந்தரமகாலிங்கம், ஆர்.சி.மணிகண்டன், மருதுபாண்டியன், பி.கே.ராஜா, வெங்கடேஸ்வரன், ஆறுமுகம், மன்னாதிமன்னன் மற்றும் சமூக சேவகர் அண்ணாநகர் முத்துராமன் உட்பட ஏராளமானோர் கலந்து கொண்டனர்.

இளைஞர் குரல் செய்திகளுக்காக மதுரை செய்தியாளர் கனகராஜ்